Posted by
മനസ്സ് മന്ത്രിച്ചു….
ആലോചിച്ചപ്പോൾ ശരിയാണെന്നെനിക്കും തോന്നി…
ഞാൻ മെല്ലേ കട്ടിലിൽ നിന്നും ഇറങ്ങി….
അവിടെയുണ്ടായിരുന്ന എന്റെ ബനിയനുമെടുത്ത് നേരേ എന്റെ റൂമിലേക്ക് വിട്ടു…
ശേഷം അവൾ കെട്ടി തന്ന ബാൻഡേജ് അഴിക്കാൻ ശ്രമിച്ചു… മുറിവ് എത്രത്തോളം വലുതാണ് എന്നെനിക്കറിയണമായിരുന്നു…
ഞാൻ ശ്രദ്ധാ പൂർവ്വം അഴിച്ച് അലമാരയുടെ മുന്നിലായി നിന്നു….
വിചാരിച്ചതിലും മോശമാണ് അവസ്ഥ….
നഖം തട്ടിയ ഭാഗം കറുത്തിരിക്കുന്നു…..
ആ കറുപ്പ് വ്യാഭിച്ചു വരുകയാണെന്ന് ചുറ്റുമുള്ള ഞെരമ്പിന്റെ അവസ്ഥയിലൂടെ ഞാൻ മനസ്സിലാക്കി….
“ഡാ…. ”
പെട്ടെന്നാണ് രാഹുലിന്റെ വിളി ഞാൻ കേട്ടത്….
വേഗം മുറിവ് ഞാൻ ബനിയൻ താഴ്ത്തി മറച്ചു…
“കഴിക്കാൻ വാ…. ”
അവൻ വീണ്ടും പറഞ്ഞു…..
“ആ ഞാൻ വരാം നീ പൊക്കോ….”
ഞാൻ അവനേ ഒഴിവാക്കാൻ ശ്രമിച്ചു…..
അവൻ കൂടുതൽ നേരം ഇവിടേ നിന്നാൽ എല്ലാം എന്റെ മുഖം നോക്കി കണ്ടു പിടിക്കും…. അവർ ഇപ്പോൾ ഇതൊന്നും അറിയേണ്ട…
കൂടുതൽ സംശയത്തിന് ഇടവരുത്താതെ ഞാനൊന്ന് ഫ്രഷായി താഴേക്ക് ചെന്നപ്പോൾ രാഹുലും സച്ചിനും നിധിയുമിരുന്ന് കഴിക്കുകയാണ്…
എന്നേ കണ്ടതും അവളുടെ ശ്രദ്ദമുഴുവൻ എന്നിലേക്കായി…..
അവൾക്ക് അധികം മുഖം കൊടുക്കാതെ ഞാൻ ഒഴിഞ്ഞു കിടക്കുന്ന ഒരു ചെയറിൽ ഇരുന്നുകൊണ്ട് കഴിക്കാൻ ആരംഭിച്ചു…
“നിന്റെ മുഖത്തിനിതെന്തു പറ്റിയെടി…. “