Posted by
സുചിത്ര പോയ ഉടനെ മുകളിൽ ചെന്നു ശ്യാമ സുധിയെ കെട്ടിപ്പിടിച്ച് കരഞ്ഞു.
” പെണ്ണേ നീ കരയാതെ. നീ എന്തിനാ കരയുന്നത്.? ”
“ചേച്ചി പറഞ്ഞു ചേച്ചി എന്നെ ചേച്ചിയുടെ ഏട്ടനെ കൊണ്ട് കെട്ടിക്കും എന്ന്. അമ്മയും അതിന് സമ്മതിച്ചു.”
“അതിനാണോ പെണ്ണേ നീ ഇങ്ങനെ കരയുന്നത്. നീ കരയേണ്ട.
നമുക്ക് എല്ലാത്തിനും വഴിയുണ്ടാക്കാം. ”
“എന്ത് വഴി. അപ്പു ഏട്ടൻ ചേച്ചിയോട് പറഞ്ഞു ഈ കല്ല്യാണം മുടക്കി തരുമോ..? ”
“നമുക്ക് നോക്കാം.
.ഞാനല്ലേ നിന്റെ കൂടെ ഉള്ളത് പിന്നെ നിനക്ക് എന്തിനാ പേടി. “. സുധി പറഞ്ഞു.
ശ്യാമ ഒന്നും മിണ്ടാതെ സുധിയുടെ മാറിൽ തലവെച്ച് കെട്ടിപ്പിടിച്ചു നിന്നുകൊണ്ട് കരഞ്ഞു. പിന്നെ താഴേക്ക് ഇറങ്ങിപ്പോയി.
അന്ന് ശ്യാമയ്ക്ക് ഉറങ്ങാൻ കഴിഞ്ഞില്ല. ചേച്ചി പറഞ്ഞതുപോലെ ചേച്ചിയുടെ ഏട്ടനെ കൊണ്ട് തന്നെ വിവാഹം കഴിപ്പിക്കുമോ..? കഴിപ്പിക്കുമെങ്കിൽ താൻ എന്ത് ചെയ്യും. ഇനി അപ്പു ഏട്ടൻ അല്ലാതെ മറ്റൊരാൾ തനിക്കു ഈ ജീവിതത്തിൽ വേണ്ട. തന്റെ മനസ്സിനും ശരീരത്തിനും ഇനി അവകാശി അത് അപ്പു ഏട്ടൻ മാത്രമായിരിക്കും. ……
പിറ്റേന്ന് രാത്രിയിൽ ശ്യാമ സാരിയാണ് ഉടുത്തിരുന്നത്. . അതും സുധി അന്ന് വാങ്ങിക്കൊടുത്ത ആ സിൽക്ക് സാരി. അന്ന് രാവിലെ ശ്യാമ സുധിയെ കുളിപ്പിച്ചിരുന്നില്ല. സുധിയോട് അവൾ ചോദിച്ചു.
” അപ്പു ഏട്ടന് ഇന്ന് കുളിക്കേണ്ടേ …? ഇന്ന് രാവിലെ കുളിച്ചില്ലല്ലോ..? “