Posted by
“അമ്മാവൻ നേരത്തെ വന്നോ..?”
“ഇല്ല മോളെ . ഇപ്പോൾ വന്നതേ ഉള്ളൂ. നമ്മുടെ ശ്യാമയുടെ അമ്മ ഇവിടെ കിടക്കുമ്പോൾ ഒന്ന് വന്നു നോക്കാതിരിക്കുന്നത് മോശം അല്ലേ .?”
“ആ! അമ്മാവാ ഞാൻ എന്റെ ഏട്ടനെ കൊണ്ട് ശ്യാമയെ കെട്ടിച്ചാലോ എന്ന് ആലോചിക്കുകയാ.. എന്താ അമ്മാവന്റെ അഭിപ്രായം. ”
“അതിനെന്താ അത് ഒരു നല്ല കാര്യം അല്ലേ.. പക്ഷെ അതിന് അവൻ സമ്മതിക്കുമോ..?” സുന്ദരൻ സാർ ചോദിച്ചു.
“ഏട്ടനൊക്കെ എപ്പോഴേ സമ്മതിച്ചു. ഇനി ഇവളെ ഉള്ളൂ സമ്മതിക്കാൻ ബാക്കി. ” സുചിത്ര പറഞ്ഞു.
“അതൊക്കെ അവനെ കണ്ടാൽ സമ്മതിച്ചോളും. അല്ലേ ശ്യാമേ….!!” സുന്ദരൻ സാർ പറഞ്ഞു.
“സമ്മതിച്ചാൽ ഇവൾക്ക് കൊള്ളാം. അല്ലെങ്കിൽ അമ്മാവനെ
കൊണ്ട് ഞാൻ ഇവളെ കെട്ടിക്കും.”
അത് കേട്ടപ്പോൾ ശ്യാമ ശരിക്കും ഭയന്ന് വിറച്ചു. അപ്പു ഏട്ടൻ ഇത് എവിടെ പോയി. ഒന്ന് വന്നിരുന്നെങ്കിൽ. ശ്യാമ അതിയായി ആഗ്രഹിച്ചു.
“എന്നിട്ട് നിന്റെ ഏട്ടൻ എവിടെ മോളെ ..? ” സുന്ദരൻ സാർ ചോദിച്ചു.
“ഏട്ടൻ ഏതോ കള്ളന്മാരെ പിടിക്കാൻ പോയിരിക്കുകയാ. അത് കഴിഞ്ഞു ഇങ്ങോട്ട് വരും എന്നാ പറഞ്ഞത്..?” സുചിത്ര പറഞ്ഞു.
അപ്പോഴേക്കും രണ്ടു സ്ത്രീകൾ ആ മുറിയിലേക്ക് കയറി വന്നു. അതിൽ ഒരാളെ ശ്യാമ തിരിച്ചറിഞ്ഞു. അത് മറ്റാരും ആയിരുന്നില്ല. ഐ സി യു വിന്റെ മുന്നിൽ ശ്യാമ ഇരുന്നപ്പോൾ ശ്യാമയെ ചേർത്ത് പിടിച്ചവരായിരുന്നു.