Posted by
അനീറ്റയെ ഇല്ലാതെ ആക്കിയാൽ കൊഴുവള്ളി എന്ന സാമ്രാജ്യം കൈവിട്ടു പോകും എന്നറിഞ്ഞ സാമൂവൽ പിന്നെ അതിന് മുതിർന്നില്ല….
അപ്പോളും അവളെ ഒരു ഭ്രാന്തി ആക്കി നിർത്തേണ്ടതും അയാളുടെ ആവശ്യം ആയി മാറി……
പണം വാങ്ങി അയാളുടെ വാഴ്ത്തു പാട്ടുകാർ പാണനെ പോലെ ഇവിടെ പാടി നടന്നു….അനീറ്റ ഒരു ഭ്രാന്തി ആണെന്ന്…..
ഏറെ നാളത്തെ ചികിത്സ നടത്തി എല്ലാം മറന്നു തിരികെ വരാൻ ശ്രെമിച്ച അവളെ മാനസികമായി തളർത്താൻ പോകുന്നതായിരുന്നു അവരുടെ വായ്മൊഴികൾ………
കൊഴുവള്ളിയിലെ ഒറ്റമുറിയിൽ ഒതുങ്ങി കൂടാൻ അവൾ ശ്രെമിച്ചപ്പോളാണ് അരമനയിൽ അറിയിച്ചു അവരുടെ സഹായത്തോടെ അവളെ ഇവിടെ നിന്നും മാറ്റിയത്……..
കോട്ടയം രൂപതയുടെ കീഴിലുള്ള കുറവില്ലങ്ങട്ടെ ഒരു കോൺവെന്റിൽ അവളെ പാർപ്പിച്ചു…..
അവിടെ അടുത്ത് തന്നെ ഒരു കോളേജിൽ പഠിക്കാനും ചേർത്തു…
അവിടെ പോയതിനു ശേഷമാണ് അവൾ പഴയ അനീറ്റ ആയതു…..
ഒരു കോമിക് കഥ പോലെ വികാരിയച്ഛൻ അവളുടെ പൂർവകാലം വിചാരിച്ചതു മുഴുവൻ ഒരു നെടുവീർപ്പോടെ ഹിരൺ കേട്ടിരുന്നു…..
ഒരു ദീർഘ നിശ്വാസം എടുത്ത് ഹിരൺ പള്ളിയിലെ ആൾതാരയ്ക്ക് മുന്നിൽ നിൽക്കുന്ന അനീറ്റയെ കണ്ണെടുക്കാതെ നോക്കി…….
10 കൊല്ലത്തെ പിണക്കവും പരിഭവങ്ങളും പരാതിയും പറയുകയാ എന്റെ കുഞ്ഞു….
കൈ പുറം കൊണ്ട് കണ്ണ് നീര് തുടച്ചു കൊണ്ടാണ് അച്ഛൻ അത് പറഞ്ഞു നിർത്തിയത്….
തന്നിലേയ്ക്ക് നോക്കിയ ഹിരണിനോട് അയാൾ തുടർന്നു…