💞ആയിരം കണ്ണുമായി 7 [Fang leng]

 

അഖിൽ : കൊള്ളാം.. തോരൻ നല്ല രുചി ഉണ്ട്

 

ലക്ഷ്മി : ആണോ… അല്പം തോരൻ ഇങ്ങെടുത്തേ ശ്രുതി ഞാൻ ഒന്ന് നോക്കട്ടെ

 

ഇത്രയും പറഞ്ഞു ശ്രുതിയുടെ പാത്രത്തിൽ നിന്നും അല്പം എടുത്ത് ലക്ഷ്മി കഴിച്ചു

 

ലക്ഷ്മി : ഉം ശരിയാ നല്ല രുചിയുണ്ട്…നീ ഇതൊക്കെ എങ്ങനെയാടി ഉണ്ടാക്കുന്നെ

 

ശ്രുതി : അത്രക്ക് അങ്ങോട്ട് പുകഴ്ത്തണ്ട… ഇതിനേക്കാൾ നന്നായി ഉണ്ടാക്കുന്നവരും ഉണ്ട്..

 

അഖിൽ : അതെ ഇന്നലെ ഇത്രയും പ്രശ്നം ഉണ്ടായപ്പോൾ തനിക്ക് ഒന്ന് വിളിച്ചു പറയാൻ പാടില്ലായിന്നോ

 

അഖിൽ ലക്ഷ്മിയോടായി ചോദിച്ചു

 

ലക്ഷ്മി : അതിന് അഖിലിന്റെ നമ്പർ എന്റെ കയ്യിൽ വേണ്ടേ… ഇവളെ വിളിച്ചിട്ട് കിട്ടിയതുംഇല്ല പിന്നെ ഞാൻ എന്ത് ചെയ്യാനാ… ആ അരുണും അജുമലുമാ ഇല്ലാത്തതൊക്കെ ക്ലാസ്സിൽ പറഞ്ഞു നടന്നത്

 

അഖിൽ : എനിക്ക് തോന്നി… അവന്മാരുടെ വാ ഞാൻ ഇടിച്ചു പൊട്ടിക്കും 😡

 

ശ്രുതി : എന്നിട്ട് വീണ്ടും നമുക്ക് സ്റ്റാഫ് റൂമിൽ പോയി നിക്കാം അല്ലെ… മരമണ്ടൻ അവമ്മാര് എന്തോ പറയട്ടെ അതുകൊണ്ട് എനിക്ക് എന്താ പ്രശ്നം… വാ കഴക്കുമ്പോൾ നിർത്തിക്കോളും… പിന്നെ ഒരു കാര്യം കൂടി ചിന്തിച്ചു നോക്ക് നീ അവമ്മാരുമായി പിണങ്ങിയിട്ടില്ല എന്ന് ചിന്തിക്ക്‌ ഞാൻ മറ്റൊരു പയ്യന്റെ കൂടെ ഇതുപോലെ ഒരാവശ്യത്തിന് പോയി എന്ന് വെക്ക് എന്നെ ഇതുപോലെ കളിയാക്കാൻ നീയും അവരുടെ കൂടെ കാണില്ലായിരുന്നോ…

 

ഇത് കേട്ട അഖിൽ കഴിക്കൽ നിർത്ത് ശ്രുതിയുടെ മുഖത്തേക്ക് ഒന്ന് നോക്കി..