Posted by ” ആൽബി ശരിക്കും, നീ കാര്യമായിട്ട് തന്നെ ആണോ..?? ”
സ്റ്റെല്ല അവന്റെ നെഞ്ചിൽ നിന്നും തല ഉയർത്തി ആൽബിയുടെ മുഖത്തേക്ക് നോക്കി, ഇത്ര പെട്ടെന്ന് സമ്മതിക്കുമെന്ന് അവൾ തീരെ പ്രതീക്ഷിച്ചിട്ടുണ്ടായിരുന്നില്ല,
” അതേടി പെണ്ണേ എന്തായാലും നമ്മൾ ഇതു കഴിഞ്ഞാൽ പിന്നെ വേറെ ഒരു ലോകത്തേക്ക് പോവുകയല്ലേ, ഇത്തവണ കൂടി ഇങ്ങനെ തന്നെ പോകട്ടെ…”
അതുകൂടി കേട്ടതോടെ പെണ്ണ് വീണ്ടും അവന്റെ നെഞ്ചിലേക്ക് തല വെച്ച് ആൽബിയെ കെട്ടിപ്പിടിച്ചു കിടന്നു,
പിറ്റേ ദിവസം തന്നെ ആ കാര്യം ശിവയെ വിളിച്ച് സംസാരിക്കുമ്പോൾ അറിഞ്ഞോ അറിയാതെയോ തന്റെ ഉള്ളിലും ചെറിയൊരു ആഗ്രഹം വിടരുന്നത് സ്റ്റെല്ല തിരിച്ചറിയുന്നുണ്ടായിരുന്നു,
‘ഒരിക്കൽ അവനോട് മുഖം കറുപ്പിച്ച് ഇറങ്ങി പോന്നതാണ് ഇനി ഒരിക്കലും കാണുകയോ സംസാരിക്കുകയോ ഇല്ല എന്നും തീരുമാനിച്ചിരുന്നു, ഇപ്പോൾ വീണ്ടും തന്റെ മനസ്സിൽ അവനൊരു സ്ഥാനം വരുന്നുണ്ടോ..?? ‘
” സ്റ്റെല്ലാ, അപ്പോൾ എല്ലാം ഞാൻ ഏറ്റിട്ടുണ്ട് നിങ്ങൾ രണ്ടുപേരുടെയും പാസ്പോർട്ടിന്റെ കോപ്പി എനിക്ക് ഡോക്യുമെന്റ് ആയി തന്നെ വാട്സ്ആപ്പ് ചെയ്യണം പിന്നെ ഡേറ്റ് നമുക്ക് ഒരുമിച്ച് തീരുമാനിക്കാം…”
” ആം ശിവ അതുപോലെ തന്നെ ചെയ്യാം…” ഫോൺ വെക്കുമ്പോൾ സ്റ്റെല്ലയുടെ മനസ്സിലേക്കും നടക്കാൻ പോകുന്ന കാര്യത്തെപ്പറ്റി ഒരുപാട് എക്സൈറ്റ്മെൻറ് വരാൻ തുടങ്ങിയിരുന്നു,
അടുത്ത രണ്ട് ദിവസത്തിനുള്ളിൽ തന്നെ ശിവയുടെ ആവശ്യപ്രകാരം ആൽബിയുടെയും സ്റ്റെല്ലയുടെയും പാസ്പോർട്ടിന്റെ കോപ്പി പിഡിഎഫ് ആയി തന്നെ അവൾ അയച്ചു കൊടുത്തിട്ടുണ്ടായിരുന്നു,