Posted by ” എന്താ അറിയേണ്ടത്..? ഇനി നമ്മൾക്കിടയിൽ നുണകൾ ഇല്ല,”
ശിവ അൽപ്പം ഗൗരവത്തോടെ ആണ് അവൾക്ക് മറുപടി നൽകിയത്,
” അന്ന് ദേഷ്യം പിടിച്ചപ്പോൾ എന്നോട് പറഞ്ഞ കാര്യങ്ങൾ എല്ലാം ഉള്ളതാണോ..?? ശരിക്കും എന്നെ പ്രഗ്നൻറ് ആക്കാനും ഞാൻ നിനക്ക് വേണ്ടി ഒരു കുഞ്ഞിനെ പ്രസവിക്കണം എന്നെല്ലാം നീ പ്ലാൻ ചെയ്തിരുന്നോ..?? ”
“അതൊന്നും ചുമ്മാ പറഞ്ഞ കാര്യങ്ങൾ അല്ല പെണ്ണേ, എന്റെ ഉള്ളിൽ ഇപ്പോഴും ഉള്ള ആഗ്രഹങ്ങളാണ്, ഇനി എത്രത്തോളം അത് പോസിബിൾ ആണെന്ന് എനിക്കറിയില്ല, എങ്കിലും എന്റെ ഉള്ളിൽ അങ്ങനെ ഒരു ആഗ്രഹമുണ്ട്…”
ശിവയുടെ മറുപടി കേട്ടതും സ്റ്റെല്ലയുടെ മുഖം മുഴുവനായി താഴ്ന്നു, കണ്ണുകൾ തുടിച്ചു പെണ്ണിന്റെ ചിരി ശിവക്ക് ഒരുപാട് ആശ്വാസം നൽകി, കുറച്ച് സമയം അവർ രണ്ടുപേരും മുഖത്തോട് മുഖം നോക്കി നിന്നു,
” നീയെന്താ എന്നെ ഇവിടെ വന്ന് കാണാൻ ശ്രമിക്കാതിരുന്നത്…??”
“ഒരിക്കലും നിന്നെ സ്റ്റോക്ക് ചെയ്യണമെന്നൊ ശല്യം ചെയ്യണമെന്നൊ ഞാൻ ആഗ്രഹിച്ചിട്ടില്ല, പുറകെ നടന്നു വീർപ്പുമുട്ടിച്ച് ഇഷ്ടം നേടി എടുക്കുന്നതിൽ അർത്ഥമില്ല, നിന്റെ പൂർണ്ണ സമ്മതത്തോടെ മാത്രമേ നിന്നെ ഞാൻ ആഗ്രഹിച്ചിട്ടുള്ളു ”
ശിവ പറഞ്ഞു നിർത്തിയതും സ്റ്റെല്ല തന്റെ ഫോണെടുത്ത് സമയം ഒന്നു കൂടി നോക്കി ഉറപ്പുവരുത്തി,
” എപ്പോഴാണ് മലേഷ്യയ്ക്ക് തിരിച്ച് പോകുന്നത്..?? ”
” ഈയാഴ്ച അവസാനം പോകണം എന്നാണ് കരുതുന്നത്, എന്താ പോരുന്നോ, മലേഷ്യ ഒക്കെ ഒന്ന് കണ്ട് ആസ്വദിച്ച് തിരിച്ചു പോരാം..”
” എന്താ വരണോ..?? ”
സ്റ്റെല്ലയുടെ മറു ചോദ്യം കേട്ടതും ശരിക്കും ശിവ ഞെട്ടിപ്പോയിരുന്നു…!!
ചെറിയ പുഞ്ചിരിയോടുള്ള അവളുടെ മുഖഭാവം അവന് മനസിലാക്കാൻ പറ്റിയിരുന്നില്ല,