Posted by
‘മിണ്ടാതെ നടക്ക്..’
ചേച്ചി ഈർഷ്യയോടെ പറഞ്ഞു
‘ഇഷ്ടപ്പെടുന്നില്ല അല്ലേ..? അപ്പോൾ എന്നെ ഇല്ലാത്ത പേര് വിളിക്കുന്നതോ..?
ഞാൻ ചോദിച്ചു
‘ഞാൻ എപ്പോളാ നിന്നേ ആ പേര് വിളിച്ചത്. ഗോപു അല്ലേ വിളിക്കുന്നത്..?
ചേച്ചി ചോദിച്ചു
‘ചേച്ചിയും ഇടയ്ക്ക് വിളിക്കാറില്ലേ..?
ഇത്തവണ എന്റെ വായിൽ അറിയാതെ ചേച്ചി എന്ന് വീണു
‘ഞാൻ തമാശക്ക് വിളിച്ചതല്ലേ അതൊക്കെ. നിനക്ക് അതൊന്നും ഇഷ്ടപ്പെടുന്നില്ല എന്നാരുന്നേൽ ഞാൻ അങ്ങനെ വിളിക്കില്ലായിരുന്നു..’
ചേച്ചി പറഞ്ഞു
‘പിണങ്ങിയോ..?
ഞാൻ ചോദിച്ചു
‘ഇല്ല..’
ശിവ പറഞ്ഞു
‘അപ്പോൾ ഞാൻ ഇനി എടി എന്ന് വിളിച്ചാൽ പിണങ്ങുമോ…?
‘നീ വിളിച്ചോ. എന്നിട്ട് എല്ലാവരും ചോദിക്കുമ്പോ എന്നെ തോൽപിച്ച കാര്യം കൂടി പറയാമല്ലോ…’
ശിവേച്ചി ശോകം അടിക്കുന്നത് പോലെ എനിക്ക് തോന്നി. ഇരുട്ടിൽ ആയത് കൊണ്ട് മുഖം കാണാൻ വയ്യ. ഞാൻ ടോർച്ചു മോന്തക്ക് അടിച്ചപ്പോ ചേച്ചി കൈ കൊണ്ട് അത് തട്ടി മുന്നോട്ട് ആക്കി
‘ഞാൻ ആരുടെയും മുന്നിൽ വച്ചു എടി എന്ന് വിളിക്കില്ല. അത് പോരേ…?
ഞാൻ ചോദിച്ചു
‘നീ നിനക്ക് ഇഷ്ടം ഉള്ളപ്പോൾ വിളിച്ചോ..’
ചേച്ചി വലിയ താല്പര്യം ഇല്ലാത്ത പോലെ പറഞ്ഞു. തോറ്റു നിൽക്കുന്ന കാര്യം ചേച്ചിക്ക് അത്ര ഇഷ്ടം അല്ല
‘ഇല്ല. ആരും ഇല്ലാത്തപ്പോളെ വിളിക്കൂ. അതും ചേച്ചിക്ക് ഇഷ്ടം അല്ലെങ്കിൽ അപ്പോളും വിളിക്കില്ല. എല്ലാരും ഉള്ളപ്പോൾ എന്നാ ഞാൻ പാറു എന്ന് വിളിക്കും..’
ഞാൻ പറഞ്ഞു. പാറു ചേച്ചിയുടെ വീട്ടിൽ വിളിക്കുന്ന പേരാണ്. അച്ഛനും മുത്തശ്ശിയും മാത്രമേ അത് വിളിച്ചു ഞാൻ കേട്ടിട്ടുള്ളു. പിന്നെ അനിൽ മാമനും വിളിക്കുമെന്ന് തോന്നുന്നു