പെണ്ണൊരുത്തി 3 [Devil With a Heart]

“അടങ്ങിയിരിക്കില്ല ചെറുക്കൻ!!” കയ്യിലൊരു തല്ല് തന്നിട്ട് ചേച്ചി മുറുമുറുത്തു കൊണ്ട് പറഞ്ഞു

“ഇതിന്ന് എത്തുന്ന ലക്ഷണം ഇല്ലന്ന് തോന്നു.” ഞാൻ പറഞ്ഞു

“നല്ല മഴയാല്ലേ …” ബസിന്റെ ഫ്രണ്ടിലേക്കും സൈഡിലേക്കുമൊക്കെ നൊക്കിയിട്ട് ചേച്ചി പറഞ്ഞു

അങ്ങനെ കുറെ കഴിഞ്ഞപ്പോ രണ്ടുപേരും എന്റെയിരുവശത്തിരുന്നു ഉറങ്ങി

രണ്ടുപേരുമെന്റെ തോളിലേക്ക് ചായ്ഞ്ഞാണ് കിടന്നുറങ്ങുന്നത്

രണ്ടു സുന്ദരിമാർ എന്റെ തോളിൽ കിടന്നുറങ്ങുന്നത് കണ്ട് ചിലരൊക്കെ നോക്കുന്നുണ്ട്.. അസൂയ കൊണ്ടാവും എന്ന് ഞാനൂഹിച്ചു… ഞാൻ കുറച്ച് ഗമയിട്ടു.. ഹല്ലപിന്നെ!!

ബസിന്റെ അവസാന സ്റ്റോപ്പാണ് ടിക്കറ്റ് എടുത്തിരിക്കുന്നത്.. കണ്ടക്ടർ ചേട്ടൻ ഞങ്ങളുടെ അടുത്തേക്ക് വന്നു അപ്പോഴും രണ്ടുപേരും നല്ല ഉറക്കത്തിലാണ്.. പുള്ളി എന്നെ നോക്കി ഒരു ചിരി പാസ്സാക്കി..

“ലേറ്റ് ആകുവോ ചേട്ടാ?” ഞാൻ അയാളോട് ചോദിച്ചു

“താമസിക്കും..മഴയായാൽ ഇവിടിങ്ങനെ ഒരു ബ്ലോക്കുള്ളതാന്നേ..“ അതും പറഞ്ഞു പുള്ളി പിന്നിലേക്ക് പോയി

വണ്ടി ഒരു പൊടി അനങ്ങാതെ വന്നപ്പോഴേക്കും ഡ്രൈവർ വണ്ടി ഓഫ്‌ ചെയ്തിട്ടു.. വണ്ടി നിന്നതറിഞ്ഞു ചേച്ചി ഉണർന്നു

“നല്ല ബ്ലോക്കാണ് ചേച്ചീ… ഇന്നെങ്ങും എത്തുന്ന ലക്ഷണമില്ല..”

“അയ്യോ വേണിമോളുടെ കാര്യം കഷ്ടത്തിലാവ്വല്ലോ”! ചേച്ചിയുടെ ടെൻഷൻ അതായിരുന്നു

“വേണീ..” വലത് തോളിൽ കിടന്ന അവളുടെ കവിളിൽ തട്ടി ഞാൻ വിളിച്ചുണർത്തി

“എടൊ നല്ല ബ്ലോക്കാണ് ഇനിയും ഒരുപാട് പോകാനുണ്ട്.. തിരികെ വന്നിട്ട് തനിക്ക് വീട്ടിൽ പോകാൻ പറ്റുമോ എന്നറിയില്ല.. എന്തെയ്യും?”