Posted by “”… മ്മ്മ്..?? ബ്രോയ്ക്കത് ഫീലായാരുന്നോ..?? സ്കെച്ചിടണോ..??”””_ മാമനെനോക്കി
കയ്യുംതൂത്തുകൊണ്ട് ഞാനെഴുന്നേറ്റു…
“”…അതേ… ങ്ങളൊരു വാക്കുപറഞ്ഞാമതി… ഒന്നു തൂറാൻനേരങ്കൊടുക്കൂല ഞങ്ങള്..!!”””_ ശ്രീകൂടിയേറ്റുപിടിച്ചതും സമ്മതമെന്നഭാവത്തിൽ പുള്ളിയൊന്നുചിരിച്ചു… അതോടെ ഞങ്ങളങ്ങടുഷാറായി… പിന്നെല്ലാം വളരെപ്പെട്ടെന്നായ്രുന്നൂ… അവസാനംകൊണ്ടുവന്ന
കല്ലുംകൂടിവലിച്ചുവെച്ച് ഇനിമറിഞ്ഞാലാവഴി വിടാമെന്നുപറഞ്ഞ് പന്തലുവലിച്ചുകേറ്റി… എന്തോഭാഗ്യത്തിന് സംഭവംശെരിയായി…
എന്നാലുമെവടെയോ ചെറിയൊരു ചെരിവുണ്ടെന്നു തോന്നിയെങ്കിലും അതുകാര്യമാക്കാതെ വിടുവായ്രുന്നൂ…
അങ്ങനെ കാലിന്റെ കാര്യത്തിലേകദേശമൊരു തീരുമാനമൊക്കെയാക്കി തൂമ്പയും റബ്ബർക്കുട്ടയുമായി പിന്നാമ്പുറത്തേയ്ക്കു നടക്കാൻനേരം,
“”…അതേ… നിങ്ങളതൊക്കെ വെച്ചേച്ചങ്ങുവാ… ഞാമ്പോയി വല്ലതുങ്കഴിയ്ക്കട്ടേ… വിശന്നിട്ടുപാടില്ല..!!”””_ ന്നും വിളിച്ചുപറഞ്ഞുകൊണ്ട് മീനാക്ഷിയകത്തേയ്ക്കോടി…
കേട്ടതും,
“”…ഓ.! ഞങ്ങളുപിന്നെ ബിരിയാണി കേറ്റീട്ടാണല്ലോ നിയ്ക്കണത്..!!””” എന്നു മാമനുംപറഞ്ഞു… അതിനു
മറുപടിയായി,
“”…പല്ലുതേച്ചേച്ചൊക്കെ കഴിച്ചാമതിയായ്രുന്നൂ..!!”””_ ന്ന്
ശ്രീ പിറുപിറുക്കുവേംചെയ്തു…
അതിന്,
“”…പിന്നേ, ആ കയ്യിലെ മണ്ണൊന്നുതൂത്തുകളഞ്ഞാ ഭാഗ്യമായി..!!”””_ ന്നായ്രുന്നൂ എന്റഭിപ്രായം…
“”…പാവോടാ… മടുത്തു തൊലഞ്ഞുകാണും..!!”””_
അതിനുടനേ മാമന്റെഗദ്ഗദം… പുള്ളിയ്ക്കവളെയങ്ങട് ബോധിച്ചൂന്നുതോന്നുന്നു… അല്ലേലതുപറയൂല…