Posted by “”…അല്ല, ഇതെന്തിനാ അവശ്യോല്ലാത്തോർക്കൊക്കെ ഡ്രസ്സുടുത്ത് ചിലവുകൂട്ടുന്നേ..?? അവരൊക്കെ കയ്യിലുള്ളതിട്ടാമതിയച്ഛാ..!!”””_ ന്നും പറഞ്ഞ് കീത്തുവിടയ്ക്കുകേറി…
ശേഷം എന്നേം മീനാക്ഷിയേമൊന്നു നോക്കുവേംചെയ്തു…
“”…അങ്ങനാവശ്യോല്ലാത്തോർക്ക് എടുക്കണ്ടാന്നുവെയ്ക്കുവാണേൽ ഇവടെയൊരാവശ്യോമില്ലാത്തത് നീയാ… എങ്കിപ്പിന്നെ നെനക്കെടുത്ത കല്യാണസാരി നീയങ്ങച്ഛനുകൊട്… പിന്നെ അച്ഛനു ഡ്രസ്സുമെടുക്കണ്ട, ചിലവുംകുറയ്ക്കാം..!!”””_ പറഞ്ഞശേഷം ഞാനൊന്നു കീത്തൂനെനോക്കി, എന്നെ കിലുത്താനുംവേണ്ടിയൊന്നും നീ വളർന്നിട്ടില്ലമോളേന്നർത്ഥത്തിൽ…
അതിനെല്ലാരും ചിരികടിച്ചമർത്തുന്നതു കണ്ടതുകൊണ്ടാവും പുള്ളിയൊന്നും മിണ്ടാഞ്ഞത്…
“”…ആടാ… ശെരിയാ…
അല്ലേലുമിവടെ ആർക്കുമാവശ്യമില്ലാത്ത
ഒരുത്തി ഞാന്തന്നെയാ… എന്നെപ്പറഞ്ഞുവിടുന്നേന്റെ സന്തോഷംപലരുടേം മുഖത്തു കാണാനുമുണ്ട്… എന്നുവെച്ച് എന്നൊഴിപ്പിച്ചേച്ച് ഇവടെ രാജകുമാരിയെപ്പോലെ വാഴാന്നാരുംകരുതണ്ട..!!”””_ മീനാക്ഷിയ്ക്കിട്ടു താങ്ങിക്കൊണ്ട് കീത്തുവിരുന്നു തറച്ചതും,
“”…എന്നുവെച്ചാ…
നീപറഞ്ഞുവരുന്നത്,
ഇത്രേംനാള് നീയിവടത്തെ രാജകുമാരിയായ്രുന്നെന്നാണോ..?? എന്നാ തൽക്കാലമീരഹസ്യം നമ്മളുമാത്രമറിഞ്ഞാമതി…
അല്ലേ, മുറ്റത്തോട്ടിറങ്ങിയാ രാജകുമാരിയെ നാട്ടാര് മെറ്റിലുപെറുക്കിയെറിയും..!!”””_ ഞാനുംവിട്ടില്ല… അതുകൂടികേട്ടതും കീത്തു ദേഷ്യംകൊണ്ട് വിറയ്ക്കാനായിത്തുടങ്ങി…
അതോടെ മീനാക്ഷിയെന്റെ കൈയ്ക്കുപിടിച്ചു മതിയെന്ന് ആംഗ്യംകാണിയ്ക്കുവേം ചെയ്തു…