Posted by “”…എന്റെ പൊന്നുചേച്ചീ… ഇവടെ കിഴങ്ങെന്നുപറയുന്നത് കപ്പയെ ഉദ്ദേശിച്ചാ… അല്ലാതെ ചേച്ചി കരുതീതല്ല..!!”””_ എന്നുപറഞ്ഞ് ഞാൻ മീനാക്ഷിയുടെ മേലേയിരുന്ന ചേച്ചിയുടെ കയ്യെടുത്തുമാറ്റി… എന്നിട്ട് മീനാക്ഷിയെ നോക്കി,
“”…എന്റെ പൊന്നുപെണ്ണേ…
നീയങ്ങോട്ടുവല്ലതും മാറിയിരുന്നേ…
ഇപ്പൊ കിഴങ്ങു മാറിപ്പോയേനെ..!!”””_ എന്നുകൂടി കൂട്ടിച്ചേർത്തതും അവള് കാലെത്തിച്ചെന്നെ ചവിട്ടാനാഞ്ഞു…
ഞാനതീന്നൊഴിഞ്ഞു മാറുമ്പോൾ കപ്പയെല്ലാം പൊളിച്ചുനുറുക്കി ഒരുപാത്രത്തിലാക്കി സീതമ്മ കൊണ്ടുത്തന്നു… അപ്പോഴേയ്ക്കും എല്ലേകദേശം വെന്തിരുന്നു… ഉടനെ ഉപ്പുംവെള്ളവുംചേർത്ത് കപ്പയും അടുപ്പത്തേയ്ക്കു കേറ്റി…
വൈകാതെതന്നെ കപ്പയും വെന്തുകിട്ടി… അതുരണ്ടുംകൂടി വലിയൊരു ചരുവത്തിലേക്ക് ഒന്നിച്ചു ചേർത്ത് തേങ്ങയും പെരുംജീരകവും അരച്ചതും ചേർത്തു വെച്ചൊന്നു ചൂടാക്കി മിക്സ്ചെയ്തെടുക്കുമ്പോൾ ഒരു കൈസഹായത്തിന് ജോക്കുട്ടന്റമ്മയും വന്നിരുന്നു… സംഭവത്തെക്കുറിച്ച് വലിയ ധാരണയില്ലാത്തതിനാൽ അമ്മയും ചെറിയമ്മയും അമ്മായിയുമൊക്കെ ചുമ്മാ നോക്കിനിന്നതേയുള്ളൂ…
ഒരു വെറൈറ്റിക്ക് രണ്ടുമൂന്നു ഏലയ്ക്കാകൂടി പൊടിച്ചു മിക്സു ചെയ്തപ്പോൾ സാനത്തിന്റെ മണമങ്ങട് അടുക്കളയിൽനിറഞ്ഞു… അതോടെ ബിരിയാണിചെമ്പ് പൊട്ടിയ്ക്കുന്നേരം ആളുകൂടുമ്പോലെ അവിടെയുണ്ടായ്രുന്നവരെല്ലാം ചുറ്റും കൂടുവായ്രുന്നു…
ഇതിനുമുന്നേ പരീക്ഷിച്ചിട്ടില്ലാത്തതിനാൽ ഒരുദ്ദേശംവെച്ച് ചെയ്തതാണെങ്കിലും ഓരോരുത്തരായെടുത്ത് ടേസ്റ്റ്ചെയ്തശേഷം എന്നെനോക്കിയ നോട്ടംമാത്രം മതിയായ്രുന്നു റിസൾട്ട് വ്യക്തമാകാൻ.!