Posted by “”…ഇവൾടെ കെട്ട്യോനും ഇതുതന്നാ പറയുന്നേ… അതോണ്ടല്ലേ അവനിങ്ങോട്ടു പോരാത്തതും..!!”””_ വല്യേന്തോ കോമഡി പറയുമ്പോലെ ജോക്കുട്ടൻ അടിച്ചുകൊടുത്തതും മീനാക്ഷിയാർത്തൊരു ചിരിയായ്രുന്നു…
അതിനു ചേച്ചിയുടെവക ദഹിപ്പിയ്ക്കുന്നൊരു നോട്ടവും കണ്ണുരുട്ടും ജോക്കുട്ടാന്നൊരു വിളിയും…
ശുഭം.! അണ്ണൻസൈഡ്.!
അതുകണ്ടതും,
“”…അയ്യ.! ഇന്നേവരെ ആരും കേൾക്കാത്ത നല്ല ഫ്രഷ് കോമഡി..!!”””_ എന്നുംപറഞ്ഞ് അച്ചു പുച്ഛിക്കാനും തുടങ്ങി…
പിന്നെ കുറച്ചുനേരത്തേയ്ക്കു ജോക്കുട്ടന് അനക്കമൊന്നും കണ്ടില്ല…
“”…ഡീ… നീയെന്നാലങ്ങോട്ടു ചെല്ല്… ചെക്കൻ എണീയ്ക്കാറായ്ട്ടുണ്ടാവും… ഇനിയെണീയ്ക്കുമ്പോൾ അടുത്താരേം കണ്ടില്ലെങ്കി പിന്നതുമതി… ഇന്നത്തെദിവസം ചെവിതല കേൾപ്പിയ്ക്കൂല ചെക്കൻ..!!”””_ ജോക്കുട്ടനേം കളിയാക്കിയിരുന്ന അച്ചുവിന്റെ നെഞ്ചത്തേയ്ക്കു കേറാൻ സീതമ്മയ്ക്ക് അധികംസമയമൊന്നും വേണ്ടിവന്നില്ല…
സാമ്പാറിന് ഉപ്പുനോക്കുന്നതിനിടയിൽ സീതമ്മയതുപറഞ്ഞതും അതുശെരിവെയ്ക്കുന്ന മട്ടിൽ ജോക്കുട്ടന്റമ്മയും തലകുലുക്കി…
“”…ഏയ്.! അതിന്റാവശ്യോന്നുമില്ല… നോക്കാൻ ഞാനവിടെ ആളെ നിർത്തീട്ടുണ്ട്..!!”””_ അടുത്തേയ്ക്കുചെന്ന് മീനാക്ഷിയുടെ കയ്യിലിരുന്ന ക്യാരറ്റിലൊന്നു കടിച്ചുകൊണ്ടായ്രുന്നു അവളുടെമറുപടി…
“”…അതാരെ..??”””_ മുഴുത്തയാ ക്യാരറ്റിന്റെ പാതിപോയ വിഷമം പുറത്തുകാണിയ്ക്കാതെ മീനാക്ഷി തിരക്കുമ്പോൾതന്നെ,
“”…ഏഹ്.! പിച്ചക്കാരൻ ആളെവെച്ചു തെണ്ടിയ്ക്കാനും തുടങ്ങിയോ..??”””_ ന്നുള്ള ജോക്കുട്ടന്റെവക ഡയലോഗുമെത്തിയിരുന്നു…