Posted by എല്ലാം കഴിഞ്ഞു ഞങ്ങൾ പോകാൻ ഒരുങ്ങി. കാറിൽ കയറി ഇറങ്ങിയപ്പോൾ മാമിന്റെ കാർ അവിടെ നിർത്തിയിരുന്ന ഒരു കാറിൽ തട്ടി.. ദേഷ്യം വന്ന രണ്ടുപേർ ആ കാറിൽ നിന്നും ഇറങ്ങിവന്നു മാമിനോട് ചൂടാവാൻ തുടങ്ങി. മാമിന്റെ കൂടെ ഉണ്ടായിരുന്ന ഓഫീസിലെ രണ്ടുപേർ അവരോടു സംസാരിക്കാൻ ശ്രമിച്ചു. എന്നാൽ അവർ തട്ടികയറി സംസാരിക്കാൻ തുടങ്ങി. ടാക്സിക്കൂ വേണ്ടി വെയിറ്റ് ചെയ്യുകയായിരുന്നു ഞാനും മിയയും ആവണിയും അത് കണ്ടു അങ്ങോട്ട്‌ ചെന്ന് നോക്കി. എന്നെ കണ്ടതും നിസ്സഹായതയോടെ മാം എന്നെ നോക്കി. ഞാൻ അവരോടു സംസാരിക്കാൻ ശ്രമിച്ചപ്പോഴാണ് അവരെ ശ്രദ്ധിച്ചത്. അന്ന് തീയേറ്ററിൽ ഞാൻ അടിച്ച ആളുകൾ!!!!!. മാമിനോട് തട്ടികയറുന്നതിനിടയിൽ എന്നെ കണ്ട അവർ പെട്ടെന്ന് സംസാരം നിർത്തി. ഞാൻ അവരുടെ മുമ്പിൽ കൈ കെട്ടി നിന്നു പുഞ്ചിരിച്ചു. മിയയും ആവണിയും ഉള്ളിൽ ചിരിച്ചു കൊണ്ടു നിന്നു. എന്താണ് സംഭവിക്കുന്നത് എന്ന് മനസിലാവാതെ മാം ചുറ്റും നോക്കി. കൂടെ ഓഫീസിൽ ഉള്ളവരും. ഒന്ന് പരുങ്ങിയതിനു ശേഷം രൂക്ഷ നോട്ടം നോക്കി അവർ കാറിൽ കയറി സ്ഥലം വിട്ടു. അപ്പോഴാണ് മാം ഒന്ന് ദീർഘ നിശ്വാസം വിട്ടത്. മാം ഉടനെ വന്നു എന്നെ കെട്ടിപിടിച്ചു thanks പറഞ്ഞു. അവരുടെ കണ്ണിൽ എന്നോടുള്ള ഒരു ബഹുമാനം ഞാൻ കണ്ടു. മാം കാറിൽ കയറി പോയതും നാലു തീ കണ്ണുകളുമായി രണ്ടുപേർ എന്റെ പുറകിൽ നിൽക്കുന്നുണ്ടായിരുന്നു!!!!!!!!
ടാക്സി വിളിച്ചു റൂമിലെത്തുന്നത് വരെ കമാ എന്നൊരാക്ഷരം പോലും രണ്ടു പേരും മിണ്ടിയില്ല. റൂമിൽ കയറി ലൈറ്റ് ഓൺ ചെയ്തു രണ്ടു പേരും ബെഡിലിരുന്നു പരസ്പരം സംസാരിച്ചു. എന്നോട് മിണ്ടിയില്ല. ഇടക്ക് രണ്ടുപേരും ദേഷ്യത്തോടെ നോക്കുന്നുണ്ടായിരുന്നു.. ക്ഷീണമുണ്ടായിരുന്ന ഞങ്ങൾ കൂടുതൽ ഒന്നും സംസാരിക്കാതെ വേഗം ഉറങ്ങാൻ കിടന്നു.