Posted by “”ഒന്ന് പയ്യെ അലറി വിളിക്ക് നായി സന്ധ്യ കൈഞ്ഞ്. “”
കിച്ചൂന്റെ തലക്ക് ഒരു മേട്ടം കൊടുത്തിട്ട് ഞാൻ പറഞ്ഞു
“”ആഹ് നൊന്തു മൈരേ.. നിന്റെ കൈയ്ക്ക് ഒക്കെ ഒടുക്കത്തെ തഴമ്പ് ആണ് നല്ലോണം വേദനിക്കും ഇങ്ങനെ മേടുമ്പോ””കിച്ചു തല തടവിക്കൊണ്ട് പറഞ്ഞു.
“”എങ്കി മര്യാദക്ക് ഒപ്പരം നടക്ക് “”
“”ഹ്മ്മ് “”
“”വീണാന്റി… വീണാന്റി… ആരുല്ലേ ഈടാ…”” ഞാൻ അജൂന്റെ അമ്മേനെ വിളിച്ചോണ്ട് അവരുടെ വീടിന്റെ വരാന്തയിൽ ഇരുന്നു..
“”ഹാ അനുവോ.. എന്താ മോനെ. ഈ നേരത്ത്.. അജു എവിടെ?? നീ കണ്ടിനോ അവനെ??.. “”
“”അജു ക്ലബ്ബിൽ ഉണ്ടാന്റി.. ഞാൻ വന്നേ വണ്ടീന്റെ ചാവി മേണിക്കാനാ.. ഓൻ പറഞ്ഞു ചാവി അമ്മേനോട് ചോയ്ച്ച മതി അമ്മ എടുത്തെരുന്ന്…””
“”ഹാ അതാണോ.. നിക്ക്ട്ടോ ഞാൻ ഇപ്പൊ എടുത്തെരാ..”” അതും പറഞ്ഞ് അജൂന്റെ അമ്മ വീട്ടിന്റെ ഉള്ളിലോട്ടു പോയി.
“”ടാ നീ എന്റെ കൂടെ വരുവല്ലേ അതോ ഇനി തിരിച്ചു ക്ലബ്ബിലോട്ട് പോന്നീണ്ട??”” ഞാൻ വരാന്തേന്ന് എണീച്ചോണ്ട് കിച്ചുനോട് ചോദിച്ചു.അപ്പൊ തന്നെ വീണാന്റി ഉള്ളീന്ന് ചാവിയും എടുത്ത് പോന്നു.
“”ഇന്നാ മോനേ ചാവി.. ബാ ഇപ്പോളെ പോണ്ടാ ചായ കുടിച്ചിട്ട് പോവാ..””
“”ഹാ ചായ കുടിക്കാ.. “” കിച്ചു നല്ല ഉത്സാഹത്തോടെ ചെരുപ്പൊക്കെ ഊരി വീട്ടിലോട്ട് കേറാൻ നിന്നു..
“”യ്യോ വേണ്ടാന്റി ഞങ്ങ കുറച്ചു മുന്നേ കുടിച്ചേ ഉള്ളു പിന്നൊരുസം ആവാ..”” ഞാൻ കിച്ചൂനെ തടഞ്ഞോണ്ട് ആന്റിയോട് പറഞ്ഞു..
“”എന്നാലും മക്കളെ എന്തേലും തരാണ്ട് നിങ്ങളെ വിടാൻ എനിക്കൊരു മടി. ഒരു മിനിറ്റ് ഞാനിപ്പോ വരാ പോവല്ലെട്ടോ. “”