Posted by “”ഹാ…ഒന്ന് നിർത്തണുണ്ടോ രണ്ടും.. സുധീഷേ… നീയൊന്ന് അടങ്ങെടാ… ഒന്നുല്ലേലും നീ കാരണം ആണല്ലോ നമ്മടെ നാടിനു ഒരു MMA ചാമ്പ്യനെ കിട്ടിയേ…അതോണ്ട് നീയതിന് അഹങ്കാരിക്കെ അല്ലേ വേണ്ടേ അല്ലാണ്ട് ഇവനെ കുറ്റപെടുത്താണോ വേണ്ടേ??…””
സുധീഷേട്ടന്റെയും സതിയാന്റിയുടെയും വഴക്കിന്റെ എടേലോട്ട് കേറി പ്രഭാരേട്ടൻ ഇടപ്പെട്ടു…
“”അല്ലാച്ഛ.. ഞാൻ അത് പിന്നെ…”” സുധീഷേട്ടന് പറയാൻ വാക്കുകളൊന്നും കിട്ടാണ്ടായി…
“”മതി മതി നീ ഇനി കൂടുതൽ തപ്പി തടയൊന്നും വേണ്ടാ….. അനുവേ… നീ ഇതൊന്നും കാര്യം ആക്കണ്ടാട്ടോ കുട്ട്യേ… മക്കള് പൊക്കോ ഇപ്പോ…””
“”ആഹ് പ്രഭാരേട്ട… ഞാനെന്ന ഇറങ്ങുവാ.. സുധീഷേട്ടാ… സതിയമ്മേ… പോവാണേ…. “”
“”പോയിട്ട് വരാന്ന് പറയെടാ തെമ്മാടി…””
സതിയാന്റി വാതിക്കൽ നിന്നോണ്ട് പറഞ്ഞു..
“”ഓഹ്… പോയിട്ട് വരാമേ…. സുധീഷേട്ടോ… നിങ്ങളിനി എനിക്ക് വിഷമായെന്ന് കരുതി ഇരിക്കണ്ടാട്ടോ എനിക്ക് കൊഴപ്പൊന്നുല്ല…കേട്ടാ…””
സുധിഷേട്ടനെ നോക്കി ചിരിച്ചോണ്ട് പറഞ്ഞ് ഞാൻ അവിടന്ന് ഇറങ്ങി…
അവിടന്ന് ഇറങ്ങിയപ്പോ ഞാൻ അജുന് ഒരു മെസ്സേജ് അയച്ചു കിച്ചു മൈര് അവിടെ ഉണ്ടോന്ന് ഉറപ്പിക്കാൻ… അവൻ അതിന് തിരിച്ച് “”👍”” യെസ് എന്ന് സൂചിപ്പിക്കുന്ന ഈ ഇമോജി അയച്ചതോടെ ഞാൻ പിന്നെ ക്ലബ്ബിലോട്ട് ഒരൊറ്റ ഓട്ടമായിരുന്നു…
ഒരു മിനുട്ടോണ്ട് ഞാൻ ക്ലബ്ബിലെത്തി അപ്പൊ ദാണ്ട് ക്ലബ്ബിന്റെ വരാന്തയിൽ ഫ്രണ്ടിൽ ഇരിക്കണ് നമ്മടെ കിച്ചുവണ്ണൻ.. ഞാൻ ഓടി കിതച്ചു വരുന്നേ കണ്ട് ആദ്യം ഒന്ന് പരുങ്ങിയെങ്കിലും ആശാന് കാര്യം പെട്ടെന്ന് കത്തി. അവൻ ഇരുന്നടുത്തൂന്ന് എണീറ്റ് ഓടാൻ ഭാവിച്ചപ്പോ..