Posted by “”അതല്ല ചേട്ടാ… ഇത് അനിരുധ് എന്റെ മോൻ ആണ്..
ഇവൻ.. ഇവനാണ് ഈ കിടക്കണ വൈശാഖിനെയും അഫ്സലിനെയും തല്ലിയത്…””
അപ്പോ ഞാൻ അച്ഛന്റെ ചെവിൽ പോയി പറഞ്ഞു..
“”ദേ ആ നിക്കണ ചുരുള മുടി പെണ്ണിനെ കണ്ടാ… അതിന്റെ തലേ കെട്ടും ഞാങ്കാരണം ആണ് വന്നേ “”
അപ്പൊ അച്ഛൻ എന്നെ ഒന്ന് നോക്കി കണ്ണുരുട്ടി .. അപ്പൊ ദാണ്ട് ആ അമ്മാവൻ ചാടി തുള്ളി എന്റെ അടുത്തോട്ടു വരണ്..
“”എടാ മഹാ പാപി…
നീ എന്റെ മോനെ എന്താട ചെയ്തേ അവന്റെ മുഖം നീ ഇടിച്ച് ഇഞ്ച പരുവം ആക്കിയില്ലേടാ””
ഇതും പറഞ്ഞു അങ്ങേര് എന്നെ തല്ലാൻ വന്നു. അച്ഛൻ എടെ കേറി തടഞ്ഞോണ്ട് ഭാഗ്യം… ഇല്ലേ തന്തേം മോനും ഒരുമിച്ച് ഈ മുറിൽ കെടന്നേനെ അല്ല പിന്നെ… പുള്ളിടെ പറയൽ കേട്ടാ തോന്നും ഞാൻ ഒരു കാരണോം ഇല്ലാണ്ട് അവനൊക്കെ തല്ലി കൂട്ടിയാണെന്ന്…
“”ചേട്ടാ… ചേട്ടൻ ഒന്ന് സാമാധാനപെടു ഞങ്ങൾ.. അല്ല ഇവൻ ചെയ്തതിന് മാപ്പ് ചോദിക്കാൻ വന്നതാ ഞാൻ..കൂടാതെ നിങ്ങൾക്ക് എന്താ സഹായം വേണ്ടെന്ന് വെച്ച ഞങ്ങൾ ചെയ്യാം “” അച്ഛൻ ആ അമ്മാവനെ ഒന്ന് അനുനയിപ്പിക്കാൻ നോക്കി.
“ ഞങ്ങൾക്ക് ആരുടേം സഹായോം ഔദാര്യോം ഒന്നും വേണ്ട ഞങ്ങൾടെ മക്കൾക്ക് കിട്ടിയത് അതുപോലെ തിരിച്ചു കൊടുക്കാൻ ഞങ്ങക്ക് അറിയാ… “” എവിടെ പുള്ളി ഒരു പൊടിക്ക് അടങ്ങണില്ല..
“”തന്നെ… എന്നാ നിങ്ങൾ എന്താ ചെയ്യാൻ പറ്റണെ ന്ന് വെച്ചാ അങ്ങ് കാട്ട് നമ്മക്ക് നോക്കാലോ “
പുള്ളിടെ പട്ടി ശോ കണ്ട് അരിശം കേറി ഞാനങ്ങു പറഞ്ഞു..
“”കുട്ടാ…ങ്ഹാ…””
അച്ഛൻ എന്നെ ദേഷ്യത്തോടെ നോക്കി ഒന്നിരുത്തി ഇരുത്തി മൂളി.. അപ്പോഴാണ് നമ്മടെ ചുരുള മുടിടെ എൻട്രി…