Posted by അമ്മ അമ്മൂനെ നോക്കി പറഞ്ഞോണ്ട് എന്റെ മുഖം പിടിച്ചു കവിളത്തു അമർത്തി ഉമ്മ വെച്ചു..
“”ഉമ്മാഹ്… അമ്മേന്റെ ചക്കര കുട്ടൻ “”
“”ഈഹ്… എന്തുവാ അമ്മേ വായിലെ റൈസ് മൊത്തോം എന്റെ കവിളത്ത് ആയല്ലോ””
ഞാൻ കവിളും തുടച്ചു പറഞ്ഞു..
ഇത് കേട്ടപ്പോ അമ്മേടെ മുഖം വാടി പോയി…
“”അച്ചോട… എന്റെ അമ്മകുട്ടനു വിശമായോ.. സാരില്ല.. ഇന്നാ… ഉമ്മാഹ്…””
ഞാനൊരുമ്മ തിരിച്ചു കൊടുത്തപ്പോ ആ മുഖം തിളങ്ങിയത് ഒന്ന് കാണണം എന്റെ ദേവി….
പിന്നെ അധികം പറച്ചിലും കളിയും ഒന്നും ഉണ്ടായില്ല ഞാൻ ഉരുട്ടി കൊടുക്കുന്ന ഓരോ ഉരുള യും വളരെ പതിയെ ആണേലും കൂടി അമ്മ കഴിച്ചു തീർത്തോണ്ട് ഇരുന്നു.. എന്തേലും വേണെങ്കിൽ.. വായ തുറന്ന് മിണ്ടാതെ തന്നെ ഓരോന്നു തൊട്ട് കാണിച്ച് പറഞ്ഞു തന്നു.. ഇത് പോലൊരു പിള്ള മനസ്… എന്റമ്മക്കേ കാണു…
അങ്ങനെ കുറച്ചു സമയത്തിനുള്ളിൽ തന്നെ അമ്മയുടെ പ്ലേറ്റ് കാലിയായി.. ഇത് കണ്ട് ഞാൻ അമ്മയോട് ചോദിച്ചു..
“”ഇതാണോ മതിയായി എന്ന് പറഞ്ഞത്.. എവിടെ ഇതിൽ ഒരു വറ്റ് പോലുമില്ലല്ലോ അമ്മേ “”
“”അത് കുട്ടാ.. ഇതൊക്കെ ഞാൻ എപ്പോളാ തിന്നേ.. എനിക്ക് ഒന്നും ഓർമ ഇല്ലാട്ടോ…””
“”ദേ നല്ല തല്ല് വച്ചു തരും കേട്ടോ ഞാൻ.. പോയി വാ കഴുകി ദോ അച്ഛന്റെ കൂടെ ഇരുന്ന് ന്യൂസ്‌ കാണ്.. ഞാൻ ഒന്ന് സുധീഷേട്ടന്റെ വീട് വരെ പോയി വരാം.. ചേട്ടൻ എന്നോട് വരാൻ പറഞ്ഞാർന്നു…””
ഇത്രയും പറഞ്ഞിട്ടും മടിന്ന് എണിക്കാതെ എന്നെ തന്നെ നോക്കി നിക്കണ അമ്മയോട് ഞാൻ ചോദിച്ചു..
“”എന്തെയ്.. ഇനി വായും ഞാൻ കഴുകി തരണോ… ഏഹ്…””