Posted by നല്ലൊരു ഡയലോഗും കാച്ചി..അധികം സമയം പാഴാക്കാതെ ഞാൻ വീണടുത്തുന്ന് പിന്നേം എണീറ്റു.
ഇനി ഇത് ഇങ്ങനെ വിട്ടാ പറ്റൂലാന്ന് എനിക്ക് മനസ്സിൽ ആയി. അതോണ്ട് പിന്നെ എനിക്ക് മുന്നും പിന്നും ഒന്നും നോക്കാൻ ഇണ്ടായില്ല.. കൈ മുഷ്ടി രണ്ടും ചുരുട്ടി പിടിച്ച് എന്റെ മുന്നിൽ നിക്കണ വന്നോനും പോയോനും ഒക്കെ ഞാനിട്ടു ഇടിക്കാൻ തൊടങ്ങി..അപ്പോ അവന്മാരിലെ ഓരോന്നായിട്ട് വീഴാനും തൊടങ്ങി. അത് കണ്ടപ്പോ അവന്മാരിലെ ജിമ്മൻ ആയ ഒരുത്തൻ എന്റെ നേർക്കോട്ട് പാഞ്ഞടുത്തു.
അത് പ്രതീക്ഷിച്ചു നിന്ന ഞാൻ കറങ്ങി തിരിഞ്ഞ് അവനിട്ടൊരു 360 കിക്കങ്ങ് കൊടുത്ത്. അത് കിട്ടിയതും ഇന്നത്തേക്ക് ഉള്ളതായി എന്ന രീതിക്ക് അവൻ അവിടെ കിടന്നു.
അതും കൂടെ ആയപ്പോ എനിക്ക് കൊറച്ചു ആശ്വാസമായി.. അവന്മാരിൽ മിക്ക എണ്ണവും ഇപ്പൊ നിലത്തു കിടന്ന് ഉരുളുവാണ്.
അപ്പൊ ഞാനൊന്നവളെ പാളി നോക്കി. രണ്ടു കണ്ണും നിറച്ച് പേടിച്ചു വിറച്ച് പമ്മി നിക്കുവാണ് കക്ഷി.. ഞാനവളെ നോക്കി ഒറ്റ കണ്ണ് അടച്ചോണ്ട് ഇതൊക്ക ചീള് കേസ് ന്ന് കാണിച്ചു.. അത് കണ്ടപ്പോ അവളൊരു മങ്ങിയ ചിരി എനിക്ക് തന്നു.. പക്ഷെ അതിന് വലിയ ആയുസ്സ് ഉണ്ടായില്ല.
അവന്മാരിൽ നിലത്ത് കിടന്ന ഒരുത്തൻ എണീറ്റ് വന്ന് എന്റെ കൈ രണ്ടും പിടിച്ച് അപ്പറെ നിക്കുന്നവനോട് എന്നെ ഇടിക്കാൻ ആംഗ്യം കാട്ടി.
ഞാനത് കണ്ടപ്പോ പെട്ടെന്ന് തന്നെ കുതറിക്കൊണ്ട് കൈ പിടിച്ചവനെ പിടിച്ചിട്ട് അടിക്കാൻ തുടങ്ങി.. അരിശം പൂണ്ടു ഞാനവനെ നിർത്താണ്ട് അടിച്ചോണ്ട് ഇരുന്നു. ഇവന്റെ മോന്ത ഒന്ന് കാണാൻ വേണ്ടി മാസ്ക്കൂരാൻ ശ്രേമിച്ചപ്പോ അവൻ അരയിൽ നിന്നൊരു കത്തി എടുത്ത് എന്റെ പള്ളയ്ക്ക് മാറി മാറി കുത്തി. അപ്പൊ അവനെ പിടിച്ച് വെച്ച എന്റെ കൈയയഞ്ഞു.