Posted by “”എന്തേയ്യ്…. നീ വരണില്ലേ?…””
പാർക്കിങ്ങിൽ കാറിന്ന് ഇറങ്ങാതെ ഡ്രൈവിംഗ് സീറ്റിൽ തന്നെ ഇരിക്കുന്ന എന്നെ നോക്കി അച്ഛൻ ചോദിച്ചു.
“”ഞാൻ വരണോ അച്ഛാ… അവിടെ അവരടെ വീട്ടുക്കാർ ഒക്കെ കാണും വെറുതെ ഒരു സീൻ ഇണ്ടാക്കണോ…””
ഞാൻ ചുമ്മാ സ്റ്റീയറിങ്ങിൽ തട്ടിക്കൊണ്ടു പറഞ്ഞു..
“”ആഹാ… അത് ശെരി.. അച്ഛന്റെ പൊന്ന് മോൻ അടിച്ചു അവരടെ മൂക്കും കണ്ണും ഒന്നാക്കുമ്പോ ഇതൊന്നും ആലോചില്ലായിരുന്നോ.. ഹാ കൂടുതൽ വിളച്ചിൽ എടുക്കാണ്ട് എന്റെ കൂടെ വാടാ അങ്ങട് “”
അച്ഛൻ ടെറർ ആയി.. ഞാൻ ഒന്നും മിണ്ടാണ്ട് പയ്യെ അച്ഛന്റെ പിന്നാലെ പോയി…
“എന്തോ ആയിരുന്നെടാ നിന്റെ അടി കൊണ്ടവരുടെ പേര്..””
റിസപ്ഷനിൽ നിന്ന് അച്ഛനെന്നോണ്ട് ചോദിച്ചു.. അത് കേട്ട് ആ റിസപ്ഷനിൽ ഇരിക്കണ പെണ്ണ് ചിരി കടിച്ചമർത്തണത് ഞാൻ കണ്ടു.. ഈ തന്ത എന്നെ നാറ്റിക്കും..
“”വൈശാഖും അഫ്സലും “”
ഞാൻ വളരെ പതുക്കെ പറഞ്ഞു. അത് കേട്ട് ആ പെണ്ണ് അതിന്റെ മുന്നിൽ ഇരിക്കണ സിസ്റ്റത്തിൽ നോക്കിയിട്ട് പറഞ്ഞു..
“”അവർ സെക്കന്റ്‌ ഫ്ലോർ റൂം നമ്പർ 38 ഇൽ ഉണ്ട് സാർ “” അത് കേട്ടതും ഞാനും അച്ഛനും കൂടെ ആ റൂമിലോട്ട് പോയി.. റൂമിലോട്ട് കേറുമ്പോ ആണ് എന്നെ പ്രതീക്ഷിച്ചു അവിടെ ഒരു ബോംബ് കിടക്കണേ…
തുടരും…. 💗