Posted by ഇതും പറഞ്ഞു എല്ലാരേം പിന്നിലാക്കി.. ഓടി പാഞ്ഞു വരണ അവന്മാരെ നോക്കി നിന്നിട്ട് ഞാൻ പറഞ്ഞു…
“”എടാ വൈശാഖേ …സനുപേ… നവീ…ടാ ഒന്ന് അടങ്ങെടാ..അവൻ ചുമ്മാ തമാശക്ക് കാണിച്ചേണ്.. നിങ്ങൾ ചുമ്മാ ഇതൊക്കെ സീരിയസ് ആയി എടുക്കല്ലേ””..
പറഞ്ഞു തീരലും എന്റെ ചെവിക്കല്ല് നോക്കി ഒരു അടി പറന്നു വന്ന്.
അതെന്റെ തലചോർ പ്രവർത്തിച്ചെടുക്കുമ്പോഴേക്കും ഞാൻ അടി കൊണ്ട് ഒരു സൈഡ് ലോട്ട് വേച്ചു പോയി…ഉഫ് പൊന്നീച്ച പറന്നെന്റെ…. ആരാണാവോ ഇത്ര ഊക്കുള്ളോൻ അവരുടെ ടീമിൽ……
“”ടാ നീ വില്യേ ഹീറോ ഒന്നും കളിക്കല്ലു കേട്ടോ….
അവൻ കാണിച്ചത് തമാശക്ക് ആണേലും സീരിയസ് ആയി ആണേലും അത് ഞങ്ങളെ വെറും ഉണ്ണാക്കന്മാരാക്കാൻ വേണ്ടി തന്നെ ചെയ്തേണ്…”” വൈശാഖ് ഇതും പറഞ്ഞവിടെ വിറഞ്ഞു തുള്ളി …
എനിക്ക് അടി പൊട്ടിയപ്പോ ഞങ്ങടെ പിള്ളേർ മൊത്തോം ഒന്ന് വിരണ്ട് നിക്കുവാണ്… ഇത് കണ്ടിട്ട് കവിളും തടവി എണീറ്റോണ്ട് ഞാൻ പറഞ്ഞു..
“”എന്റെട… നിങ്ങൾ ഒന്ന് അടങ്ങ്.. എന്തായാലും എനിക്കിട്ട് ഒന്ന് പൊട്ടിച്ചപ്പോ നിങ്ങളുടെ ദേഷ്യം അടങ്ങിലോ…. എനിക്കിട്ട് ആരാ പൊട്ടിച്ചേന്ന് അറിഞ്ഞൂടാ… പക്ഷെ ഒടുക്കത്തെ ഊക്ക് ആണ് കേട്ടോ അവനു…എന്റെ കവിള്ന്ന് പൊന്നീച്ച പാറി…”””
ഞാനൊന്ന് കവിളും തടവി ചിരിച്ചോണ്ട് പറഞ്ഞു..
അപ്പോ നമ്മടെ പിള്ളേർ ഒക്കെ എന്നെ ഒന്ന് അത്ഭുതത്തോടെ നോക്കി.
എത്രയൊക്കെ കാം ആൻഡ് കൂൾ ആണെന്ന് പറഞ്ഞാലും എന്റെ മേത്ത് കൈ വീണ ആരാണേലും ഞാൻ അടിക്കും എവിടെ ആണെലും ഞാൻ അടിക്കും അതാണ് എന്റെ സ്വഭാവം.. ഇനീപ്പോ അടി കിട്ടി എന്റെ തലക്ക് എന്തേലും പറ്റിയോന്ന് വരെ ചിന്തിച്ച് കാണും അവന്മാർ…