Posted by ഏട്ടാമത്തെ ഓവറിലെ ഫസ്റ്റ് ബോൾ അജു ഒരു ഓഫ്‌ സ്വിങ് എറിഞ്ഞു.. പക്ഷെങ്കി അത് വൈഡ് ആയി.. കീപ്പർ നിന്ന അതുലിനു ആണെങ്കി അത് കൈയിലും കിട്ടിയില്ല.. പന്ത് ഉരുണ്ട് ഉരുണ്ട് ഒരു ഫോർ ആയി പോയി… എല്ലാവരും അജൂനെ ഒരു വല്ലാത്ത നോട്ടം നോക്കി…കൂടെ എന്നേം… ഈ ഓവർ പ്രണവിന് കൊടുത്ത മതീന്ന് എല്ലാരും പറഞ്ഞതാർന്ന്.. എന്താ വെച്ചാ അജുന് ഫസ്റ്റ് രണ്ട് മൂന്ന് ഓവറിൽ മാത്രമേ വിക്കെറ്റ് എടുക്കാനും ഗെയിം ലെവൽ ചേഞ്ച്‌ ചെയ്യാനൊക്കെ പറ്റുള്ളൂ.. ഡെത്ത് ഓവറുകളിൽ അജുന് അത്ര ഭാഗ്യുല്ല..
ഞാൻ എല്ലാവരെയും നോക്കി കണ്ണ് ചിമ്മികാണിച്ചിട്ട് അജുന്റെ അടുത്തോട്ടു ഓടി പോയി. സംഭവം അവൻ ടെൻഷൻ അടിച്ചിട്ടാണ് ഇങ്ങനെ സംഭവിച്ചേ അതോണ്ട് അവനെ കൂൾ ആക്കിയേ പറ്റുള്ളൂ..
“ടാ അജൂ ദേടാ… നിന്റെ പെണ്ണ് ഗാലറിൽ…. നിന്നെ നോക്കി നിക്കണ് …””
ഞാൻ ഇതും പറഞ്ഞു അവന്റെ അടുത്തോട്ടു ചെന്ന്.
“ഏഹ്….!! എവി…. എവിടെ…..???””
അവൻ ആകെ ഞെട്ടി തരിച്ച് നിക്കുവാണ് ഗാലറി മൊത്തം അവന്റെ കണ്ണ് പായുന്നും ഉണ്ട്. ഇത് കണ്ട് എനിക്ക് ആണേ ചിരി പൊട്ടിട്ട് വയ്യ. ഞാൻ അവന്റെ തോളിൽ പിടിച്ചോണ്ട് പറഞ്ഞു.
“എന്റെ പൊന്ന് മൈരേ നീ ഇങ്ങ്നെ വെപ്രാളപെടാതെ.. അവൾ എങ്ങനെ ആണ് ഇവിടെ വരാ… ഞാൻ നിന്റെ മൈൻഡ് ഒന്ന് കളിന്ന് മാറ്റി നിർത്തി നോർമൽ ആക്കാൻ പറഞ്ഞേണ്.. “”
“”ടാ പന്ന താളി തമാശക്ക് ആണേ കൂടി ഇങ്ങനെ ഒന്നും പറയല്ല… ഞാൻ അവളോട് അമ്മാവന്റെ വീട്ടിൽ ആണ് ഇന്ന് വിളിക്കാൻ പറ്റത്തില്ല എന്നൊക്കെ പറഞ്ഞാണ് ഇങ്ങോട്ട് വന്നേ. ഞാൻ എങ്ങാനും ഇവിടെ ആണെന്ന് അവൾ അറിഞ്ഞ ഇന്നെന്റെ മയ്യത്ത് ആയിരിക്കും.. നിന്നോട് കൂടുതൽ ഒന്നും പറയണ്ടല്ലോ ആവണിയേ കുറിച്ച്.. അതൊരു ഒറ്റ ബുദ്ധി ആണ് എന്റെ കഴുത്ത് ഞെരിച്ചു കൊല്ലും അവൾ ഞാൻ കള്ളം പറഞ്ഞാണെന്ന് അറിഞ്ഞ…. “”