Posted by “അത് തന്നെ ആയിരുന്നു ഞങ്ങടേം ഉദ്ദേശം. അല്ലേടാ അജു.””
“”പിന്നല്ലാഹ് “”
“”അല്ലടാ ഓഫ്‌ സ്പിന്നിൽ അവൻ ഔട്ട്‌ ആവൂന്ന് നിനക്ക് അറിയൂങ്കി പിന്നെ നീ എന്താ ഫസ്റ്റ് ബോൾ തന്നെ അത് ചെയ്ത് അവനെ ഗോൾഡൻ ഡക്ക് ആക്കാഞ്ഞേ””
കിച്ചുന് പിന്നേം സംശയം.
“”എടാ മണ്ടൻ കിച്ചുവേ… ഇവന്റെ ബോളിങ്ങിനെ കുറിച്ച് അവന്മാർക്ക് ഗ്രൂപ്പ്‌ സ്റ്റേജിന്ന് തന്നെ ഒരു ഐഡിയ കിട്ടി കാണും. അപ്പോ ഫസ്റ്റ് ബോളിൽ അവൻ എന്തായാലും ഒരു ഇത്തിരി കെയർഫുൾ ആയിരിക്കും. അതോണ്ട് ആദ്യമേ ഓഫ്‌ സ്പിന്ന് എറിഞ്ഞിരുന്നേ അവൻ അത് ഡിഫെൻഡ് ചെയ്തേനെ അങ്ങനെ എങ്കി ഈ ഓവർ മൊത്തം അവൻ ഡിഫെൻഡ് ചെയ്ത് നിന്നേനെ അപ്പൊ അവനെ ഔട്ട്‌ ആക്കാൻ പറ്റൂലല്ലോ.അതാണ് ആദ്യം ഒരു യോർക്കർ എറിഞ്ഞു അവനെ റിലക്‌സാകിട്ട് ഓഫ്‌ സ്പിന്ന് ഇട്ട് കൊടുത്തത്. ആ ചുണ്ടയിൽ ആണെങ്കി മീൻ കൊത്തും ചെയ്തു..പാവം ആ അഫ്സൽ ദാണ്ടേ ഇപ്പൊ ഡ്രസ്സിങ് റൂമിൽ കെടന്ന് മോങ്ങുന്നുണ്ടാവും.””
കിച്ചുന് ഞാൻ ഞങ്ങടെ പ്ലാൻ എന്താർന്നുന്ന് വിശദായിട്ട് പറഞ്ഞ് കൊടുത്ത്.
“”ടാ മതി മതി തത്വം പറയണേ അവരുടെ വൺ ഡൌൺ ആയിട്ട് എലുമ്പൻ നവി ആണ് ഇറങ്ങിയേക്കണേ ഫീൽഡ് ഒക്കെ കുറച്ചു പിന്നോട്ട് സെറ്റ് ചെയ്തോ.. അറിയാലോ മൈരൻ കോല് പോലെ ഉള്ളെങ്ങും വീശി അടിക്കും ചിലപ്പോ ഒരു ക്യാച്ച് ഒക്കെ കിട്ടാൻ ചാൻസുണ്ട്””
അജു ഇതും പറഞ്ഞു പിച്ചിലോട്ട് പോയി.
ഞാൻ എല്ലാവരോടും കുറച്ച് ഇറങ്ങി നിൽക്കാൻ പറഞ്ഞു ഫീൽഡ് സെറ്റ് ചെയ്തു.എലുമ്പൻ അടിക്കട്ടെ അവന്റെ അവസാനത്തെ അടി ആയിരിക്കും.
അതെ സമയം എലുമ്പൻ ഞാൻ ഫീൽഡ് സെറ്റ് ചെയ്തത് കണ്ട് ആദ്യ രണ്ട് ബോൾ ഡിഫെൻഡ് ചെയ്ത് നിന്ന്. പിന്നെ ഒരു സിംഗിൾ ഇട്ട് സ്ട്രൈക്ക് ചേഞ്ച്‌ ചെയ്ത്.. വൈശാഖ് സ്ട്രൈക്കിൽ കേറി. ഈ നാറി ആണെങ്കി നമ്മടെ ഹാർദികിനെ പോലെ ആണ്… ആറ്റിട്യൂട് നു കൈയും കാലും വെച്ചൊരു ആറ്റം ബോംബ് പോലത്തെ ഐറ്റം. ഇവൻ ഒറ്റൊരുത്തൻ ക്രീസിൽ ഉണ്ടെങ്കി കളി ഇവന്മാര് തൂക്കും അത് കൂട്ട് പെർഫോമൻസ് ആണ് ഇവന്.