Posted by
അവന്റെ കവിളിൽ ചുണ്ട് ചേർത്തൊന്ന് മുത്തി, പിന്നെയാ താലി ഇരു കണ്ണിലും ഒഴിഞ്ഞു അവന്റെ മുഖത്തേക്ക് നീണ്ട മുടിയവൾ ഒതുക്കി ആ ചുണ്ടിലും ഒന്ന് മുത്തി അവിടെ നിന്നും പതിയെ എഴുനേറ്റു..
സമയം ആറാകുന്നതേയുള്ളൂ.
നേരെ കുളിക്കാൻ കയറി, വെള്ളം വീണതും അവിടെയും ഇവിടെയുമായി നീറാൻ തുടങ്ങിയിരുന്നു, ആ വേദന അവളിൽ മന്ദഹാസമാണ് സൃഷ്ടിച്ചത്,
കുളിച്ചിറങ്ങുമ്പോളും അവനാ കിടപ്പ് തന്നെ.
നേരെ കണ്ണാടിക്ക് മുന്നിൽ നിന്ന് സ്വയം ഒന്ന് നോക്കുമ്പോൾ പതിവിലും താൻ ഇന്ന് സുന്ദരിയായത് പോലെ തോന്നിയവൾക്.
ഇട്ടിരുന്ന ആ വെള്ള ചുരിദാർ ടോപ്പിന് മുകളിലൂടെ അവളുടെ താലി അവൾ നെഞ്ചിലേക്ക് ചേർത്തിട്ടു. നെറ്റിയിൽ ഒരു കുഞ്ഞു കറുത്ത പൊട്ടും, നെറുകിൽ സിന്ദൂരവും ചാർത്തി അവൾ ഒരു കുടുംബിനിയായി ആ കതകും ചാരി താഴേക്കിറങ്ങി.
✨✨✨✨✨✨✨✨✨✨✨✨✨✨✨✨✨✨
“” സിദ്ധു… ഏതെങ്കിലും ഹോട്ടലിൽ നിറത്തോ നിക്കൊന്ന് ബാത്‌റൂമിൽ പോണം… “”
കഥയുടെ തീവ്രത കൂടിയത് കൊണ്ടാകാം ഇത് വരെ ആരുമൊന്നും പറഞ്ഞില്ല, ന്നാൽ കേരളാ ബോർഡർ ഒക്കെ എത്തുന്നതിന് മുന്നേ മീനാക്ഷി ന്റെ കയ്യിൽ കൈ അമർത്തി.
ഞാൻ ശെരിയെന്നു പറഞ്ഞു അടുത്ത് കണ്ടൊരു ഹോട്ടലിലേക്ക് വണ്ടി നിർത്തി, അവള് ബാത്‌റൂമിൽ പോയ തക്കത്തിന് ഞങ്ങൾ രണ്ടാളും ഹോട്ടലിനകത്തേക്ക് കയറിയിരുന്നു.
“” സിദ്ധു… ഞനൊരു കാര്യം ചോദിച്ചാ നിനക്ക് വിഷമാകോ…..?? “”
ടേബിളിൽ നിറച്ചു വെച്ച ഗ്ലാസ്സ് ഞാൻ ചുണ്ടോട് ചേർക്കും മുന്നേ അപർണ്ണ ഒന്ന് നേരെ ഇരുന്നു.