അനുരാഗ മധുരാലസ്യം [സ്പൾബർ]

“” ഹലോ മാഷേ…””

സൗമ്യയുടെ മധുരമായ സ്വരത്തിൽ ഒരു കാമുകിയുടെ എല്ലാ ഭാവങ്ങളുമുണ്ടായിരുന്നു…

“” ആ… ടീച്ചറേ…””

പിന്നെ കുറേ നേരത്തേക്ക് അപ്പുറത്ത് മിണ്ടാട്ടമില്ല..

“” ഹലോ… സൗമ്യ ടീച്ചറേ… ടീച്ചറ് വിളിക്കുന്നതും കാത്താ ഞാനീ ഉറങ്ങാതെ കിടക്കുന്നത്… എന്നിട്ടെന്തേ മിണ്ടാതിരിക്കുന്നത്…?”.

മാഷ് തമാശ രൂപത്തിൽ ചോദിച്ചു..

 

“ അത്… മാഷേ… എനിക്ക്… എനിക്കൊരു കാര്യം… “

സൗമ്യ കിടന്ന് അരിവറുത്തു..

“” ടീച്ചർക്കെന്തോ എന്നോട് പറയാനുണ്ടെന്ന് പറഞ്ഞില്ലേ… എന്താ ടീച്ചറേ… ?..
എന്തോ സഹായം വേണമെന്നും പറഞ്ഞിരുന്നു… “

മാഷ് സൗമ്യമായാണ് ചോദിച്ചത്..

 

“”മാഷേ… എനിക്ക് കുറച്ച് നേരം സംസാരിക്കാനുണ്ട്… മാഷിന് ഉറങ്ങാറായോ…?”

ഒരു മറുചോദ്യമാണ് സൗമ്യ ചോദിച്ചത്..

“ ഉറങ്ങാറൊക്കെയായി… എന്നാലും ടീച്ചർക്ക് പറയാനുള്ളത് മുഴുവൻ കേട്ടിട്ടേ ഞാനിന്ന് ഉറങ്ങൂ…”

ചിരിയോടെ മാഷ് പറഞ്ഞു..
സൗമ്യക്ക് പറയാനുള്ളത് എന്താണെന്ന് വ്യക്തമായി അയാൾക്കറിയാമായിരുന്നു…

“” മാഷിന്റെ കുടുംബത്തെ പറ്റി ചോദിക്കുന്നത് കൊണ്ട് മാഷിനെന്തെങ്കിലും വിരോധമുണ്ടോ…?”

 

“” എന്റെ കുടുംബത്തെ പറ്റി ഇനി ടീച്ചർക്കെന്താണ് അറിയാനുള്ളത് ..?.
എല്ലാം ടീച്ചർക്കറിയാവുന്നതല്ലേ…?.
എനിക്ക് അമ്മ മാത്രമേ ഉള്ളൂ… “”

 

“” ഉം… അതെനിക്കറിയാം… പക്ഷേ… മാഷ്… മാഷെന്താ… കല്യാണം കഴിക്കാത്തത്…?..
അതാണെനിക്കറിയേണ്ടത്… “

“” അതൊക്കെ ഓരോരുത്തരുടെ ഇഷ്ടമല്ലേ ടീച്ചറേ… എനിക്ക് കല്യാണം കഴിക്കാൻ തോന്നിയില്ല… അത്ര തന്നെ… “”