Posted by ഞായറാഴ്ച്ച ദിവസം ഏകദേശം വൈകുന്നേരത്തോടെ അടുപ്പിച്ചായിരുന്നു ആൽബിയുടെ ഫോണിലേക്ക് ബോബിയുടെ കോൾ വന്നത്…
സ്റ്റെല്ലയുമായി മറ്റൊരു വിഷയം സംസാരിച്ചുകൊണ്ടിരിക്കുകയതിനാൽ അവിടെ നിന്നും ഫോണെടുത്ത് ആൽബി പതിയെ പുറത്തേക്ക് മാറി.
” ബോബി അളിയാ..!! ”
” ആൽബി പ്ലാനിൽ ചെറിയ ചേഞ്ച് ഉണ്ട് ഞാൻ നാളെ രാവിലെ തന്നെ എത്തും, നമുക്ക് രാവിലെ കാണാം ”
” എടാ നീ ഈവെനിംഗ് കാണാം എന്നല്ലേ പറഞ്ഞത് ഇങ്ങനെ പെട്ടെന്ന് പറഞ്ഞാൽ ?? ”
ആൽബി ആകേ കൺഫ്യൂഷൻ ആയി പോയിരുന്നു.
“ആൽബി നീ അതിന് മൈസൂർക്ക് വരണ്ട..!! എനിക്ക് വേറെ സീൻ കിട്ടി.. ഞാൻ കെങ്കെരിക്ക് വരാം..!! നിനക്ക് നാളെ അവിടെ എത്താൻ പറ്റുമോ ? ” മാത്രമല്ല അതിരാവിലെ നിന്നെ മീറ്റ് ചെയ്ത് ഉച്ച കഴിഞ്ഞ് ഞാൻ വരുന്ന കാര്യവും പൂർത്തിയാക്കി എനിക്ക് വൈകുന്നേരം തന്നെ തിരിച്ചു പോരാം..!! ”
” ആം അത് ഒക്കേ ആണ്..! ഞാൻ നാളെ കെങ്കെരിക്ക് വരാം ”
” അപ്പോ ശരിയടാ നാളെ രാവിലെ കാണാം..!! ”
പ്രതീക്ഷിക്കാതെ വന്ന വിളി ആണെങ്കിലും പോകാതിരിക്കാൻ പറ്റില്ലല്ലോ.. ആൽബി ഓഫീസിലേക്ക് അപ്പോൾ തന്നെ വിളിച്ച് ലീവ് പറഞ്ഞു.
” ആരാ വിളിച്ചേ..?? ”
ആൽബിയുടെ ചിന്തകളെ മുറിച്ചു കൊണ്ട് പുറകിൽ നിന്നും സ്റ്റെല്ലയുടെ ചോദ്യം.
” അത്.. ഫ്രണ്ടാ…. ഓഫീസിന്നാ.. ”
ആൽബിക്ക് പെട്ടെന്ന് കള്ളങ്ങൾ ഒന്നും മനസ്സിൽ വന്നില്ല..
” ഫ്രണ്ട് വിളിച്ചതിന് മാറി നിന്ന് സംസാരിക്കണ്ട
കാര്യം ഉണ്ടോ..?? പേരെന്താ..? ”
സ്റ്റെല്ല വിടാൻ ഭാവമില്ല.
” എടി അത് ബോബി..! ചുമ്മാ വിളിച്ചതാ.. അവൻ പോകാനുള്ള തയ്യാറെടുപ്പിൽ ആണ് അപ്പോ അവൻ ഇവിടെ നിന്നും മറ്റേ ******* ഒപ്പിച്ചു കൊടുക്കാവോ.. ആരെലും അറിയോ എന്നൊക്കെ ചോദിച്ചു.. “