Posted by അവൾ ലാപ്ടോപ്പ് നെഞ്ചോട് ചേർത്ത് പുറത്തേക്ക് തന്നെ നോക്കി നിന്നു..
” എന്തിനാ ഇത്ര ജാഡയും ഗമയും ഒക്കെ ഒരാൾ ഇഷ്ടമാണെന്നും കൊതി ആണെന്നും ഒക്കെ പറയുമ്പോൾ പെണ്ണുങ്ങൾക്ക് ഇത്രയും ഗമ പാടുമോ..?? ”
സ്റ്റെല്ല അതിനു മറുപടിയൊന്നും തന്നെ പറഞ്ഞില്ല..എങ്കിലും അവളുടെ മുഖത്ത് വരുന്ന ചെറിയ ചിരി ശിവ വലിയൊരു പോസിറ്റീവ് ആയി എടുത്തിട്ടുണ്ടായിരുന്നു.
” മുന്നോട്ടു വന്നിരിക്കാമോ..?? ”
” എന്തിനാ..?? ”
” ഒറ്റയ്ക്ക് വർത്തമാനം പറഞ്ഞ് പോകാൻ എനിക്ക് ഭ്രാന്ത് ഒന്നുമില്ല..!! ”
അതും പറഞ്ഞ് ശിവ വണ്ടി സൈഡ് ആക്കാൻ തുടങ്ങി..
അവൻ ഡോർ തുറന്ന് കൊടുത്തതും സ്റ്റെല്ല പുറകിൽ നിന്നും എഴുന്നേറ്റ് വണ്ടിയുടെ മുൻ സീറ്റിൽ വന്നിരുന്നു…!!!
അവൾ വന്നിരുന്നതും ശിവ പെണ്ണിന്റെ മുഖത്തേക്ക് നോക്കി കൊണ്ട് തന്നെ കാർ മുന്നോട്ട് എടുത്തു..
” ശിവ ഒരു കാര്യം പറയാൻ ഉണ്ട് എനിക്ക്..!! ”
” യെസ് പ്ലീസ്..!! ”
” ഈ നിമിഷം വരെ നിന്നെ കാണാനും സംസാരിക്കാനും എനിക്ക് ഭയമായിരുന്നു..
നിൻറെ സാമീപ്യം എനിക്ക് എന്നെ തന്നെ ഇല്ലാതാക്കുന്നതുപോലെ തോന്നുന്നു..
പല കാര്യങ്ങളിലും നിന്നോട് നോ പറയാൻ പോലും എനിക്ക് പറ്റിയിരുന്നില്ല..!! ”
സ്റ്റെല്ല ഒന്ന് നിർത്തി പിന്നെ വീണ്ടും തുടർന്നു.
” അന്ന് ഞാൻ ഏതോ മിഥ്യയിൽ ഒരു നിമിഷം വഴുതി.. ശരിയാണ് ഞാൻ ആസ്വദിച്ചു.. എനിക്ക് നിന്നോട് എന്തോ തോന്നി പോയി..
നിന്റെ അറ്റെൻഷൻ.. നീ എനിക്ക് തരുന്ന പ്രിയൊരിറ്റി.. എന്നോട് ഉള്ള നിന്റെ ആഗ്രഹം എല്ലാം ഞാൻ ഒരുപാട് ആസ്വദിക്കുന്നുണ്ടായിരുന്നു.. ”
സ്റ്റെല്ല തന്റെ ഇടത് കണ്ണിൽ നിന്നും വന്ന കണ്ണീർ തുടച്ചു മാറ്റി.