Posted by “നീ ചെയ്യേണ്ട പണി ഇപ്പൊ ഞാൻ ചെയ്തിട്ടുണ്ട്.. ദാ.. ചിക്കൻ മാരിനേറ്റ് ചെയ്യാൻ വച്ചിട്ടുണ്ട്.. നിങ്ങൾ പോയി ഗ്രില്ലിനുള്ള കോൾ സെറ്റ് ചെയ്തോ, ഞങ്ങൾ അങ്ങ് വന്നേക്കാം..” അനുരാഗ് പറഞ്ഞു. അർജുനും കാർത്തിക്കും ഗ്രിൽ സെറ്റ് ആക്കാൻ പുറത്തിറങ്ങി.
കാർത്തിക്കും അർജുനും ചേർന്ന് ഗ്രിൽ സെറ്റ് ചെയ്തു. ആർദ്രയും അനുരാഗും കൂടി ക്യാമ്പ്ഫയർ സെറ്റ് ചെയ്ത് അവർ ചുറ്റും ഇരുന്നു.
“ചേട്ടാ, ചിക്കൻ ഗ്രിൽ ചെയ്യാൻ വച്ചിട്ടുണ്ട്.. ഒരു അഞ്ചു മിനിറ്റ് കഴിയുമ്പോ ഓർക്കണേ.. അല്ലെങ്കിൽ കരിഞ്ഞു പോവും..” അർജുൻ പറഞ്ഞു.
“ചേച്ചി…, നല്ല ആംബിയൻസ് അല്ലെ, ഒരു പാട്ട് പാട്.. നല്ല സൗണ്ട് ആണല്ലോ..” കാർത്തിക് ആർദ്രയുടെ കണ്ണിൽനോക്കി പറഞ്ഞു. ആർദ്ര അവനെ നോക്കി കൊഞ്ഞനം കുത്തി.
“നിന്നോടാരാ പറഞ്ഞെ ഇവൾ പാട്ടു പാടുമെന്ന്.. ഈ സംസാരിക്കുമ്പോ ഉള്ള ഭംഗിയെ ഉള്ളൂ.. പാടിയാൽ ഭയങ്കര ബോറാ..” അനുരാഗ് ചിരിച്ചുകൊണ്ട് പറഞ്ഞു. ആർദ്ര അവനെ ഒരു നുള്ളുവെച്ച് കൊടുത്തു.
“പക്ഷെ, ഫോണിലൂടെ ഒക്കെ ഇവളോട് ആദ്യം സംസാരിക്കുമ്പോൾ, ഞാനും വിചാരിച്ചിട്ടുണ്ട്, നല്ല സ്വീറ്റ് വോയിസ് ആണല്ലോ എന്ന്.. ആ സൗണ്ടിൽ ആണല്ലോ ഞാൻ വീണത്..” അനുരാഗ് പറഞ്ഞു. ആർദ്ര പുഞ്ചിരിച്ച് ഇടംകണ്ണിട്ട് അർജുനെ നോക്കി, അവൻ അനുരാഗ് കാണാതെ അവൾക്കൊരു ഫ്ലയിങ് കിസ് കൊടുത്തു.
“ഹാ, ചേട്ടാ പറയ്.. നിങ്ങളുടെ ലവ് സ്റ്റോറി..” കാർത്തിക് പറഞ്ഞു. അനുരാഗ് ആർദ്രയെ നോക്കിക്കൊണ്ട് ഒരു നെടുവീർപ്പിട്ടുകൊണ്ട് പറഞ്ഞു.. “അതൊക്കെ വല്യ സ്റ്റോറി ആടാ.. നിനക്ക് ബോറടിക്കും.. വെറുതെ മൂഡ് കളയണോ..” അനുരാഗ് ഒരു ഡ്രിങ്ക് ഒഴിച്ചുകൊണ്ട് പറഞ്ഞു.