🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

ഉം ഇത്തവണത്തേക്ക് ഞാൻ ക്ഷമിച്ചിരിക്കുന്നു.. ഇനി ആവർത്തിച്ചാൽ തുടയിലെ തൊലി ഞാൻ ഉരിക്കും… നന്നായി അറിയാലോ നിനക്കെന്നെ ? ഈ കോമ്പൗണ്ടിനുള്ളിൽ നിന്ന് മേലാൽ എന്തെങ്കിലും സാധനം പറിച്ചാലോ എടുത്താലോ നിൻ്റെ ചന്തി ഞാൻ പൊന്നാക്കും . മേലാൽ ഒരു മരത്തിലേക്കും നീ നോക്കുക പോലും ചെയ്യരുത് ! മനസിലായോ ജോമോന് ?

ഈ ഈ ഈ മനസിലായി ഈ ഈ ഈ ..

മോനൂട്ടൻ പേടി കൊണ്ട് കരയാൻ തുടങ്ങി . അവൻ്റെ കരച്ചിൽ കേട്ടിട്ട് വെളുത്ത ളോഹയിട്ട മൂന്നാല് വേറെ സിസ്റ്റർമാർ വരാന്തയിലേക്ക് വന്നതും .
എന്താ നിങ്ങൾക്കിവിടെ കാര്യം ? നിങ്ങൾക്കും വേണോ തല്ല് ? സിസ്റ്റർ റബേക്ക ആ വന്ന് നിന്ന സിസ്റ്റർമാരെ കണ്ണുരുട്ടി വിരട്ടി വിട്ടു .

ജോമോൻ കരയുവൊന്നും വേണ്ട . പറഞ്ഞത് മറക്കാഞ്ഞാൽ മതി . ഇപ്രാവശ്യത്തേക്ക് ഞാൻ ക്ഷമിച്ചിരിക്കുന്നു . ഇനി മേലിൽ ആവർത്തിക്കരുത് .. കേട്ടല്ലോ ? ആ പൊക്കൊ .. !

സിസ്റ്റർ മോനുവിനോട് പൊക്കോളാൻ പറഞ്ഞതും അവൻ കണ്ണ് തിരുമിക്കൊണ്ട് പതിയെ നടന്ന് പോകുന്നത് റബേക്ക സിസ്റ്റർ വരാന്തയിൽ ചെറിയ മന്ദഹാസത്തോടെ നോക്കി നിന്നു .

ആ പിന്നെ … നാളെ രാവിലെ ഒൻപതരക്ക് ഇവിടേക്ക് എത്തിക്കോണം . ജോമോൻ വരാൻ വൈകിയാൽ തല്ല് പൗലോ മാപ്ലക്കായിരിക്കും മറക്കണ്ട .!

സിസ്റ്റർ തമാശ രൂപേണ കണ്ണടച്ചു കൊണ്ട് പൗലോ മാപ്ലയെ നോക്കി ചിരിക്കാത്ത മുഖം എങ്ങനെയോ ചിരിപ്പിച്ചു കൊണ്ട് വിളിച്ച് പറഞ്ഞതും ..

ഓ രാവിലെ തന്നെ വിട്ടോളാം മദറെ . . . എന്നും പറഞ്ഞ് മുന്നിൽ നിന്ന് രണ്ട് പല്ലടർന്ന് പോയ മോണ കാട്ടി ചിരിച്ചു കൊണ്ട് പൗലോ മാപ്ല സിസ്റ്ററിന് മറുപടി നൽകി .