Posted by
മനു: ചേട്ടാ സ്ത്രീകളുടെ കുളിമുറിക്ക് എത്രയാണ്..
അലസമായ ഭാവത്തോടെ ഒരു കോട്ടുവാ വിട്ട് തല ചൊറിഞ്ഞുകൊണ്ട് അയാൾ കൈകൊണ്ട് കാണിച്ചു രണ്ടുരൂപ എന്ന്. അവനെ പിന്നിൽ നിന്ന് ഒന്നു വലിച്ചു കൊണ്ട് ഞാൻ ചോദിച്ചു.
ഞാൻ: ഡാ, ഇവിടെ എന്തിനാ നീ വന്ന് ഇത് നോക്കുന്നെ.. എന്ത് വൃത്തികെട്ട സ്ഥലമാണ് കണ്ടിട്ട് തന്നെ എനിക്ക് ശർദ്ദിക്കാൻ വരുന്നു..
മനു: നീ ഒക്കെ വെറും ടോപ് ക്ലാസ്സ് അല്ല, അങ്ങേയറ്റത്തെ ടോപ് ക്ലാസ്സ് ആണെന്ന് എനിക്കറിയാം. പക്ഷേ ആ നിന്നെ എനിക്കിന്ന് ഒറ്റ ദിവസം ഒന്ന് ലോ ക്ലാസ് ആക്കണം.. ഒന്നുമില്ലെങ്കിലും ഞാനൊക്കെ ലോ ക്ലാസ് അല്ലേ..
മുഖത്ത് ഒരു അതൃപ്തി കാണിച്ചുകൊണ്ട് എന്തെങ്കിലും കാണിക്ക് എന്ന ഭാവത്തിൽ ഞാൻ അവനെ നോക്കി. അവൻ അഞ്ചു രൂപ കോയിൻ എടുത്ത്, അയാളുടെ മേശപ്പുറത്ത് വെച്ചു. അയാൾ ബാക്കി മൂന്നു രൂപ ചില്ലറ എടുത്തു കൊടുത്തു. എന്നിട്ട് മനു എന്നോട് പറഞ്ഞു
മനു: നീ പോയി, ഈ ഡ്രസ്സ് മാറി ഇട്ടിട്ട് വാ..
അതിനാവും വന്നതെന്ന് ഞാൻ ഏറെക്കുറെ പ്രതീക്ഷിച്ചിരുന്നു. മുഖത്ത് ആ സ്ഥലത്തിനോടുള്ള ഇഷ്ടക്കേട് കാണിച്ച് ഞാൻ കയറാൻ തുടങ്ങി.
മനു: ഡി, ഒരു മിനിറ്റ്..
അവൻ അയാൾക്ക് നേരെ തിരിഞ്ഞു, എന്നിട്ട് കുനിഞ്ഞ് രഹസ്യം ചോദിക്കുന്ന പോലെ ചോദിച്ചു..
മനു: ചേട്ടാ, ഞാൻ കൂടെ ഒന്ന് കയറിക്കോട്ടെ..
അവളുടെ കൂടെയാണോ എന്നയാൾ ആംഗ്യം കാണിച്ചു ചോദിച്ചു, മനു അത് എന്ന് തലയാട്ടി അപ്പോൾ തല കുലുക്കിക്കൊണ്ട് അയാൾ പറ്റില്ല എന്ന് പറഞ്ഞു. മനു അപ്പോൾ മേശപ്പുറത്ത് ഒരു നൂറു രൂപ എടുത്തുവച്ചു, അയാൾ അത് കണ്ടു പക്ഷേ മനുവിനെ നോക്കാതെ വീണ്ടും തലകുലുക്കി, രണ്ടാമതും പറ്റില്ല എന്ന് പറഞ്ഞെങ്കിലും അത് സമ്മതിക്കാൻ സാധ്യതയുണ്ടെന്ന് ഉള്ള ഭാവത്തിലായിരുന്നു. മനു അപ്പോൾ ആ നൂറ് മാറ്റി ഒരു 500 രൂപ നോട്ട് അവിടെ വച്ചു, അയാൾ അത് പെട്ടെന്ന് വലിച്ചെടുത്തു. എന്നിട്ട് തലയ്ക്ക് കൈ കൊടുത്തുകൊണ്ട്, ആ കൈകൊണ്ട് അകത്തേക്ക് കയറിക്കോ എന്ന് ആംഗ്യം കാണിച്ചു. പരീക്ഷ ജയിച്ച ചിരിയോടെ അവൻ എനിക്ക് നേരെ വന്നു.. ആ ദ്രവിച്ച കംഫർട്ട് സ്റ്റേഷനിലേക്ക് ഞങ്ങൾ രണ്ടുപേരും കയറി..