Posted by
അപ്പു എയർപോർട്ടിന് പുറത്തേക്കു എത്തിയതും അമ്മുവിന്റെ മെസ്സേജ് :
“സോറി ഏട്ടാ… ഞാൻ ഫ്ലാറ്റിലെത്തി. ഏട്ടനെ ടെൻഷൻ അടിപ്പിക്കാൻ വേണ്ടി ചെയ്തതല്ല. Iam റിയലി സോറി. എവിടെ ആയിരുന്നു എന്നൊന്നും എന്നോട് ഇപ്പൊ ചോദിക്കരുത്. എല്ലാം ഞാൻ സമയമാകുമ്പോൾ പറയാം”
അമ്മു ഫ്ലാറ്റിലെത്തി എന്ന് വായിച്ചപ്പോൾ തന്നെ അപ്പുവിന് ശ്വാസം നേരെ വീണു. എന്നാലും ഉള്ളിൽ സംശയങ്ങൾ ബാക്കിയായി. എത്ര നേരം എവിടെ ആയിരുന്നു? എന്നോടുള്ള ദേഷ്യത്തിനോ വാശിയുടെ പുറത്തോ പോയതല്ല എന്ന് തീർച്ച. എന്താണെങ്കിലും ആൾ എത്തിയല്ലോ. അത് മതി. എന്താ കാര്യം എന്ന് നാളെ ചോദിക്കുന്നതാണ് നല്ലതെന്ന് അപ്പുവിന് തോന്നി.
അപ്പു ഫ്ലാറ്റിന്റെ പാർക്കിങ്ങിൽ എത്തി. അവന്റെ കാർ അവന്റെ പാർക്കിംഗ് ലോട്ടിൽ തന്നെ ഇട്ടിട്ടുണ്ട്. ഡോക്ടർ ടെ കാർ പാർക്ക് ചെയ്ത് അപ്പു സ്വന്തം കാർ ചുറ്റും ഒന്ന് നടന്ന് നോക്കി. ഭാഗ്യം ഒരു പോറൽ പോലുമില്ല.
ഡോക്ടർ ടെ ഫ്ലാറ്റിന്റെ മുന്നിൽ എത്തിയപ്പോൾ വാച്ചിൽ ഒന്ന് നോക്കി. സമയം 1:45am. ഈ സമയത്ത് അവരെ ഉണർത്തുന്നത് ശരിയല്ല. കീ നാളെ കൊടുക്കാമെന്നു വിചാരിച്ച് അപ്പു ഫ്ലാറ്റിലേക്ക് കയറി. നേരെ പോയത് അമ്മുവിന്റെ റൂമിലേക്കാണ്. ചാരിയിട്ടേ ഉള്ളൂ. സുഖമായി ഉറങ്ങുകയാണ് പൊന്നനിയത്തി. നൈറ്റ് ഡ്രസ്സ് ഇട്ട് ചരിഞ്ഞു കിടന്ന് ഉറങ്ങുന്നു.
കാറ്റുകൊണ്ട് മുടി അലസമായി മുഖത്ത് കിടക്കുന്നു. അപ്പു അവളുടെ മുടി ചെവിക്കു പിന്നിലേക്ക് ഒതുക്കിവെച്ചു. നിഷ്കളങ്കമായ അമ്മുവിന്റെ മുഖത്ത് അവൻ ഒരു മുത്തം കൊടുത്തു.