Posted by അതേസമയം ഇതെല്ലാം കണ്ട് നിന്നിരുന്ന ആന്റി.. മിത്രയെ ദേഷ്യത്തിൽ കൂർപ്പിച്ചൊന്ന് നോക്കിയസേഷം ബാൽക്കണിയിൽനിന്നും പുറത്തേക്ക് നടന്നു ആന്റിയുടെ പിന്നാലെ ആദിയും.. ഞാനും, മിത്രയും, അഞ്ജുവും മറ്റ് രണ്ട് പെൺകുട്ടികളും മാത്രം അവിടെ ബാക്കിയായി…
അപ്പഴാണ് എന്റെ പോക്കറ്റിൽ കിടന്ന ഫോൺ ബെല്ലടിച്ചത്, മിത്രയെന്നെ വട്ടത്തിൽ ചുറ്റിപിടിച്ചിരുന്നതിനാൽ പോക്കറ്റിൽ നിന്നും ഫോണെടുക്കാൻ എനിക്ക് കഴിയുന്നുണ്ടായിരുന്നില്ല — ഞാനൻ പതിയെ അവളുടെ ഇരു കയ്യിലും പിടിച്ച് എന്നിലെ അവളുടെ പിടി വിടുവിച്ചസേഷം, ഒരുസ്റ്റെപ്പ് പിന്നിലേക്ക് നിന്നുകൊണ്ട് പോക്കറ്റിൽ നിന്നും ഫോണെടുത്ത് ഡിസ്പ്ലേയിലേക്ക് നോക്കി..
അക്കു calling…
ഞാൻ മിത്രയെ ഒന്ന് പാളി നോക്കിയ സേഷം കോൾ അറ്റൻഡ് ചെയ്തു..
ഞാൻ: “”ആം.. പറഞ്ഞൊ അക്കു.?”” കോളെടുത്തതും ഞാൻ പറഞ്ഞു.
അക്കു: “”നിങ്ങളവിടെ എത്തിയോട ഏട്ടായി.?””
ഞാൻ: “”ആം.. ഞങ്ങളിപ്പൊ ഇങ്ങോട്ട് വന്ന് കേറിയാതേയുള്ളു”” മിത്രയുടെ അടുത്തുനിന്നും മാറി ബാൽക്കണിയിലെ കൈവേലിയുടെ അടുത്തേക്ക് നീങ്ങി നിന്നുകൊണ്ട് ഞാൻ പറഞ്ഞു, അതേസമയം അഞ്ജുവും മറ്റ് രണ്ട് പെൺകുട്ടികളും മിത്രയുടെ അടുത്തേക്ക് ചെന്ന് എന്തൊക്കെയോ ചെറുകെ സംസാരിക്കാനും തുടങ്ങി..
അക്കു: “”നിങ്ങളിവിടുന്ന് ഇറങ്ങിയിട്ടിപ്പൊ മണിക്കൂറ് രണ്ടാവുന്നു, എന്നിട്ട് ഇപ്പഴാണൊ നിങ്ങളവിടെ എത്തിയെ.?””
ഞാൻ: “”നീ ഫോൺ വെയ്.. …. ഞാനിവിടുന്ന് ഇറങ്ങീട്ട് വിളിക്കാം”” വലിയ കാരണോത്തിയെ പോലെയുള്ള അക്കുവിന്റെ സംസാരം കേട്ട് നിൽക്കാൻപറ്റിയ മൂഡിലല്ലാതിരുന്ന ഞാൻ അത്രേം പറഞ്ഞ് പെട്ടന്നുതന്നെ ഫോൺ കട്ടാക്കി.. സേഷം തലചരിച്ച് മിത്രയെ ഒന്ന് നോക്കി.. —- നാണം കലർന്ന ഒരുതരം പുഞ്ചിരിയോടെ, വളരെ സന്തോഷത്തോടെ അഞ്ജുവിനോടും മറ്റുരണ്ട് പെൺകുട്ടികളോടും എന്തൊക്കെയോ സംസാരിച്ച് നിൽക്കുകയാണ് മിത്ര, ഇടയ്ക്കിടയ്ക്ക് എന്നേയൊന്ന് പാളി നോക്കുന്നുമുണ്ട്..