🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

“ഞാനവനെ മരത്തിനു അടുത്തേക്ക് കൊണ്ടുവരും. അപ്പോൾ തന്നെ മാന്ത്രിക വാതിൽ തുറക്കണം…എന്നിട്ട് ഡാനിയേയും ഡെയ്സിയെയും സുരക്ഷിതമായ സ്ഥാനത്തേക്ക് മാറ്റണം.വാതിൽ തുറക്കുമ്പോൾ അകലം പാലിക്കണം, ഇല്ലെങ്കിലും നിന്നെയും ആ വാതിൽ അകത്തേക്ക്‌ കൊണ്ടു പോകും.. അങ്ങനെ സംഭവിച്ചാൽ ലൂസിഫറിനു പോലും നിന്നെ പുറത്തേക്ക് കൊണ്ടുവരാൻ സാധിക്കില്ല.”കത്രീന മകൻ തോമസിനോട് പതിഞ്ഞ സ്വരത്തിൽ പറഞ്ഞു.

“എന്റെ കുഞ്ഞുങ്ങളെ വെറുതെ വിട്..” ബംഗ്ലാവിൽ നിന്നും പുറത്തേക്ക് ഓടി വന്ന ജൂലി നിലവിളിച്ചു.

“പടക്ക്…..” കത്രീന വായുവിൽ ഉയർന്നു ചാടി ഫെഡറിക്കിന്റെ നെഞ്ച് നോക്കി ചവിട്ടി. പെട്ടെന്നുള്ള അക്രമത്തിൽ ബാലൻസ് തെറ്റിയ ഫെഡറിക്ക് നിലത്തേക്ക് വീണു. ഒപ്പം അവന്റെ കയ്യിൽ കിടന്ന ഡാനിയും ഡെയ്സിയും താഴേക്ക് വീണു.

തോമസ് ഓടി ബംഗാൾവിനെക്കാൾ ഉയരത്തിൽ വളർന്ന കൂറ്റൻ മഹാഗണി മരത്തിൽ തൊട്ടുകൊണ്ട് മന്ത്രം ചൊല്ലിയതും തലയുയർത്തി നിന്ന കൂറ്റൻ മഹാഗണി മരം രണ്ടായി പിളർന്നു മരത്തിന് നടുവിലായി അഗ്നി കൊണ്ടുള്ളൊരു പോർട്ടൽ രൂപപെട്ടു.. അതിന്റെ ഉള്ളിലായി തീയും.

View post on imgur.com

https://i.imgur.com/WfepoHa.jpeg

ഇരട്ടക്കുട്ടികളുടെ ശരീരത്തിൽ നിന്നും കൈകൾ പിടിവിട്ടു കൊണ്ട് ഫെഡരിക്ക് എഴുന്നേറ്റ് നിന്നു … “ഹ ഹ.. ഇത്രേ ഉള്ളോ നിന്റെ കരുത്ത്..?” ചിരിച്ചുകൊണ്ട് ഫെഡറിക്ക് ചോദിച്ചു.

ഒറ്റ ചാട്ടത്തിൽ ഫെഡറിക്കിനെ തല്ലാനായി കത്രീന വീണ്ടും വായുവിൽ ഉയർന്നു ചാടി..എന്നാൽ ഒറ്റ പിടിയിൽ കത്രീനയുടെ കഴുത്തവൻ കയ്പ്പിടിയിൽ ഒതുക്കി.