🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

“വിടെടാ അവനെ…” ഡെയ്സി സഹോദരനെ സഹായിക്കാനായി ഫെഡറിക്കിനെ മുഷ്ടി ചുരുട്ടി തല്ലാൻ തുടങ്ങി. അരികിലെത്തിയ ഡെയ്സിയുടെ ചെമ്പൻ മുടിയിൽ ചുരുട്ടിപ്പിടിച്ചുകൊണ്ട് അവളെയും ഫെഡറിക്ക് വായുവിൽ ഉയർത്തിപിടിച്ചു.ഡെയ്സിയും വേദനയിൽ പുളഞ്ഞു.

“ ശത്രുവാണെങ്കിലും എന്റെ ഭാര്യയുടെ ബുദ്ധിയെ സമ്മതിച്ചേ മതിയാവു… നിങ്ങൾ ഇരട്ട സഹോദരങ്ങളെ എന്റ ഭാര്യ തെറ്റിനായി ഉപയോഗിച്ച രീതി കൊള്ളാം…” ഒരു കൈയിൽ ഡാനിയേയും ഒരു കൈയിൽ ഡെയ്സിയെയും ഉയർത്തിപ്പിടിച്ചുകൊണ്ട് ഫെഡറിക്ക് താഴേക്ക് നടന്നു.

“ഡാ…വിടടാ അവളെ….”സ്റ്റെപ് ഇറങ്ങി വരുകയായിരുന്ന ഫെഡറക്കിന്റെ അരികിലേക്ക അലറിക്കൊണ്ട് ലൈലയും റിയചേട്ടത്തിയും ഓടിയെടുത്തു.

“പടക്ക്…” തന്റെ അരികിലേക്ക് ഓടിയെടുത്ത ലൈലയെയും റിയയെയും ഡാനിയുടെ ശരീരം ഉപയോഗിച്ച് ഫെഡറിക്ക് ആഞ്ഞടിച്ചു. പ്രതീക്ഷിക്കാതെയുള്ള ആക്രമണത്തിൽ ലൈലയും റിയയും നിലത്തേക്ക് വീണു. “തുഫ്ഫ്…. പിശാചിന്റെ സന്തതികൾ” നിലത്തുവീണു കിടന്നവരെ പുച്ഛത്തോടെ നോക്കി പറഞ്ഞ ശേഷം ഫെഡറിക്ക് മെയിൻ ഹാളിലേക്ക് നടന്നെന്തി.

“ഏയ്…എന്താ ഇത്…എന്റെ പിള്ളേരെ വിടടാ..” ശബ്ദം കേട്ട് ഓടിയെത്തിയ ജൂലി ഇറച്ചിക്കോഴികളെ കൊണ്ടുപോകുന്ന പോലെ തന്റെ മക്കളെ കൊണ്ടുപോകുന്ന ഫെഡറിക്കിനെ നോക്കി അലറി.

“ ബംഗ്ലാവിന്റെ മുൻ വാതിലിലൂടെ പുറത്തേക്ക് കടക്കാൻ പോയ ഫെഡറിക്കിനെ തടഞ്ഞുകൊണ്ട് ജൂലി മുൻപിൽ കയറി നിന്നു” ശക്തനായ ആത്മാവിനെ തടയാൻ മുമ്പിൽ നിൽക്കുമ്പോഴും ജൂലിയുടെ വയറ്റിൽ കിടക്കുന്ന കുഞ്ഞിന് എന്തെങ്കിലും സംഭവിക്കുമോ എന്നവൾ ഭയന്നിരുന്നു.