🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

കട്ടിലിൽ ചാരിയിരുന്നുകൊണ്ട് തന്റെ കൂടെ കട്ടിലിൽ മയങ്ങിക്കിടന്ന ഭർത്താവിനെ ജൂലി നോക്കി. അപ്പോൾ കണ്ട കാഴ്ച ജൂലിയുടെ ശരീരമാകെ വിറപ്പിച്ചു.

കട്ടിലിന്റെ മറുവശത്തായി കത്രീനയുടെ ഭർത്താവ് ഫെഡറിക്കിന്റ ആത്മാവ് നിൽക്കുന്നു.മയങ്ങിക്കിടന്ന ജോർജിന്റെ ചെവിയിലായി ഫെഡറിക്ക് എന്തൊക്കെയോ മന്ത്രിക്കുകയാണ്.ജൂലി ഉണർന്നെന്നു മനസ്സിലായ ഫെഡറിക്കിന്റെ കണ്ണുകൾ ജൂലിക്ക് മേൽ പതിഞ്ഞു, എന്നാൽ ജോർജിന്റെ ചെവിയിൽ ഫെഡറിക്ക് സംസാരിച്ചുകൊണ്ടേയിരുന്നു.താൻ കാണുന്നത് സ്വപ്നമല്ല സത്യമാണെന്ന് ജൂലിക്ക് മനസിലായിരുന്നു.

View post on imgur.com

https://i.imgur.com/2tbIzFd.jpeg

“ഹേയ്…. ഏയ്…. പൊ…. പൊ…”ജൂലി ഫെഡറിക്കിനെ നോക്കി പേടിച്ചലറി.

“ഹ ഹ.. ഞാൻ എന്റെ വീട് വിട്ട് പോണമെന്നോ…ഹ ഹ.. നോ വേ…”നിവർന്നുനിന്നുകൊണ്ട് ഫെഡറിക്ക് പറഞ്ഞു.

അപ്പോഴേക്കും ജൂലിയുടെ ബെഡ്‌റൂം വാതിൽ തള്ളിത്തുറന്നു റിയയും ഡാനിയും വാതിൽക്കൽ വന്ന് നിന്നു.

ജൂലിയുടെ നിലവിളി വകവയ്ക്കാതെ ജോർജ് കൂർക്കം വലി തുടർന്നു.

“ഹും.. എന്റെ മുറിക്കു മുന്നിൽ ഒരു സിമ്പൽ വരച്ചാൽ ഞാനങ്ങു തളർന്നു പോകുമെന്ന് കരുതിയോ.. ആ മുറി ഒരിക്കലെനിക്ക് തടവറയായിരുന്നു.. മുള്ളുകളാൽ തീർത്ത തടവറ. അത്രത്തോളം വരിലല്ലല്ലോ ഒരു പീറ സിംബൽ..” അതും പറഞ്ഞു വെട്ടിത്തിരിഞ്ഞ ഫെഡറിക്ക് പിന്നിൽ നിന്നും അവനെ തള്ളിമാറ്റാനായി ഓടിയെത്തിയ ഡാനിയെ ബാത്‌റൂമിനടുത്തേക്ക് എടുത്തടിച്ചു.ഭിത്തിയിൽ ഇടിച്ചുനിന ഡാനിയേൽ നിലത്തേക്ക് വീണു.ഡാനിയുടെ പിന്നാലെ ഓടിയെത്തിയ റിയയുടെ ഗതിയും മറ്റൊന്നല്ലായിരുന്നു. ഡാനിയുടെ അരികിലായിത്തന്നെ അവളും വന്നു വീണു.