🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

“വെയിറ്റ്.. വെയിറ്റ്…ലൈല പറഞ്ഞത് സിംബൽ വരച്ചത് കൊണ്ട് ഫെഡറികിന്റ ഖോസ്റ് ഈ റൂമിൽ ട്രാപ് ആയി കിടക്കുമെന്നല്ലേ…സിംബൽ മാഞ്ഞുപോയി…സോ…ഫെഡറിക്ക് റൂമിൽ ഉണ്ടായിരുന്നെങ്കിൽ നമ്മളെ അറ്റാക്ക് ചെയ്തേനെ…അപ്പോൾ ഫെഡറിക്ക് ഈ മുറിയിൽ നിന്നും പുറത്ത് കടന്നെകിൽ ഇപ്പോൾ എവിടെയാകും…?” ഡാനിയേൽ സംശയത്തോടെ ചോദിച്ചു.

“മുകളിൽ….?” റിയ പറഞ്ഞു.

“മുകളിൽ…?” ഡാനിയും റിയ പറഞ്ഞ സമയം തന്നെ പറഞ്ഞു.

സമയം പാഴാക്കാതെ രണ്ടാളും മുകളിലെ നിലയിലേക്ക് ഓടിക്കേറി. ഫെഡറിക്കിന്റ ആത്മാവ് ദേഷ്യത്തിലാണ്…അവൻ ആരെ വേണമെങ്കിലും അപായപ്പെടുത്താം.ജൂലി, ഡെയ്സി, ഡേവിഡ്,ജോർജ്, ലൈലയെല്ലാം ഇപ്പോഴും ന്യൂ ഇയർ ആഷോഷത്തിന്റെ ക്ഷീണത്തിൽ മയക്കത്തിലാണ്.

🔸🔸🔸

ബംഗ്ലാവിലെ രണ്ടാം നിലയിലെ ഹാൾ മുറി. മുറിയിലെ ഒരു സോഫയിൽ ജോർജ് ഇരിക്കുകയാണ്. അയാൾക്ക് എതിരായി ഫെഡറിക്കിന്റെ ആത്മാവും ഇരിപ്പുണ്ട്. നേർക്കുനേർ ഇരുന്നുകൊണ്ട് മുന്നിലിരുന്ന കപ്പിലേക്ക് ചായ പകർന്ന ശേഷം സംസാരിക്കുകയാണ് ഇരുവരും. കറുത്ത കോട്ടും സൂട്ടുമായിരുന്നു ഫെഡറിക്കിന്റെ വേഷം.ജോർഗിന്റെത് സാധാ ബനിയനും ഷർട്ടും .

View post on imgur.com

https://i.imgur.com/sB5kTtT.jpeg

“ദാ.. ഇവിടെ…. അവർ ചെയ്ത് കൂട്ടുന്ന പാപങ്ങൾക്ക് ഈ മുറിക്കുള്ളിൽ വെച്ചായിരിക്കും ഞാനവരെ ബലി നൽകാൻ പോകുന്നത്..”ചായ കുടിച്ചുകൊണ്ട് ഫെഡറിക്ക് പറഞ്ഞു.

“ബലിയോ..?”ജോർജ് സംശയത്തോടെ ചോദിച്ചു.

“അതെ മിസ്റ്റർ ജോർജ്…ഒരുപാട് കാലങ്ങളായി ഞാൻ അവരുടെ തടവിലായിരുന്നു…ഞാൻ പുറത്ത് വന്നപ്പോഴേക്കുമീ ലോകം കൂടുതൽ അന്ധകാരത്തിലായി..ഈ അന്ധകാരത്തെ അകറ്റാൻ അത് പടർത്തുന്നവരെ എനിക്ക് ബലി നൽകണം…”ചിരിച്ചുകൊണ്ട് ഫെഡറിക്ക് പറഞ്ഞു.