🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

“ടോക്.. ടോക്….” കതകിലാരോ മുട്ടുന്ന ശബ്ദം കേട്ടാണ് ഡാനിയേൽ മയക്കത്തിൽ നിന്നും എഴുന്നേറ്റത്. അവൻ അടുത്തിരുന്ന മൊബൈലിൽ നോക്കി. സമയം രാത്രി 11 ആയിരിക്കുന്നു.ഡാനിയേൽ ബെഡിൽ നിന്നും ചാടിയിറങ്ങി വാതിൽ തുറന്നു.

വാതിൽ തുറന്ന ഡാനിയേൽ നിലത്തിരിക്കുന്ന പൊരിച്ച കോഴിയും ഒരു ഗ്ലാസ്‌ ഡ്രിങ്ക്സുമാണ് കണ്ടത്.

View post on imgur.com

https://i.imgur.com/TByTn7c.jpeg

ഭക്ഷണം കൊണ്ടുവെച്ചത് ആരാണെന്ന് അറിയാൻ കതകിനു പുറത്തേക്ക് അവൻ നോക്കിയെങ്കിലും ആരെയും കണ്ടില്ല. വിശപ്പിന്റെ തീവ്രതയിൽ ഡാനിയേൽ മുന്നിലിരുന്ന ഭക്ഷണവും എടുത്ത് റൂമിനുള്ളിലേക്ക് തിരികെ കയറി. ഒറ്റിയിരുപ്പിന് ഫുൾ കോഴിയും അവൻ അകത്താക്കി. ഭക്ഷണത്തിന്റെ കൂടെ കുടിക്കാൻ നൽകിയ വെള്ളം ഡ്രിങ്ക്സ് ആണെന്നാണ് അവൻ ആദ്യം കരുതിയത്. എന്നാൽ ഡ്രിങ്ക്സ് അല്ലായിരുന്നു അത്,മറ്റ് എന്തോ ജലമായിരുന്നു. ഒരുപക്ഷേ ലൈല ഉണ്ടാക്കിയ മാന്ത്രിക ജലം ആണോ എന്ന് അവൻ സംശയിച്ചു. എന്തായാലും ലൈല പറഞ്ഞതനുസരിച്ച് ഒരിറ്റു ഭക്ഷണം പോലും ബാക്കി വയ്ക്കാതെ ഡാനിയൽ അകത്താക്കി. ഡാനിയേൽ ക്ലോക്കിലേക്ക് നോക്കി. സമയം ഇപ്പോഴും പതിനൊന്നര പോലുമായിട്ടില്ല. ലൈല 12 മണിക്ക് പുറത്തേക്ക് ചെല്ലാനാണ് പറഞ്ഞത്. അതിനിനിയും സമയം ബാക്കിയുണ്ട്.

“ററിംഗ്” ഡാനിയുടെ ഫോണിൽ മെസ്സേജ് വന്നു. അവൻ ഫോൺ എടുത്തു നോക്കി. ഡെയ്സിയുടെ മെസ്സേജ് ആയിരുന്നു. അവനത് ഓപ്പൺ ആക്കി.

“ സമയമാകുമ്പോൾ എന്റെ ബെഡിന്റെ പിറകിൽ ഇരിക്കുന്ന ടർക്കി മാത്രമുടുത്തു പുറത്തേക്ക് ഇറങ്ങിക്കോ…. പിന്നെ…ഗസ്റ്റ് റൂമിലേക്ക് അല്ല വരേണ്ടത്..”