🏘️ബോസ്റ്റൻ ബംഗ്ലാവ് 21 [Gladiator] [𝐂𝐋𝐈𝐌𝐀𝐗]

“പോണം ഡാനിയേൽ.ഞാൻ കുറച്ചായി ശ്രദ്ധിക്കുന്നു. നീ ഒരുപാട് സ്‌ട്രെസ്സ്ട് ആണ്.എസ്റ്റേറ്റിലെ കാര്യം മാനേജർ നോക്കും. നീ കുറച്ചു നാൾ നിന്റെ ചേച്ചിയുടെ വീട്ടിൽ പൊയ് നിൽക്ക്. ചേച്ചി കുറച്ചായി വിളിക്കുന്നുണ്ടല്ലോ.. ചെല്ല്.ചേച്ചിക്കും സന്തോഷം ആകും.ഹസ്ബൻഡ് മരിച്ചിട്ട് ഇപ്പോൾ 2 കൊല്ലമായി… ചേച്ചി മുംബയിൽ ഒറ്റക്കല്ലേ.. കുറച്ചു ദിവസം കൂടെ നിൽക്കു..നമ്മളൊക്കെ കൂടെ ഉണ്ട് എന്നൊരു തോന്നൽ വരട്ടെ..” ജോർജിന്റെ ബാഗ് പാക്ക് ചെയ്തുകൊണ്ട് ജൂലി പറഞ്ഞു.

“മ്മ്മ്മ്.”

കത്രീന പറഞ്ഞതനുസരിച്ചു ജോർജിനെ ബംഗ്ലാവിൽ നിന്നും മാറ്റി നിർത്തണമെന്ന് കുറച്ചായി ജൂലി ആലോചിക്കുന്നു. ഒടുവിൽ അതിന് പറ്റിയ സ്ഥലമായി ജൂലി കണ്ടെത്തിയത് ജോർജിന്റെ സഹോദരി താമസിക്കുന്ന മുംബൈയിലെ ഫ്ലാറ്റ് ആണ്. അങ്ങോട്ടേക്ക് ചെന്ന് നിൽക്കാനായി ജോർജിന്റെ സഹോദരി കുറച്ചായി ക്ഷണിക്കുന്നുണ്ട്. ആ ക്ഷണം ജോർജിനെ ബംഗ്ലാവിൽ നിന്ന് മാറ്റി നിർത്താനായി ഉപയോഗപ്പെടുത്താൻ തന്നെ ജൂലി തീരുമാനിച്ചു. ഭർത്താവ് മരിച്ച ശേഷം ചേട്ടത്തി അവിടെ ഒറ്റയ്ക്ക് ആണ്. ജോർജ് അങ്ങോട്ടേക്ക് പോയാൽ അത് ചേട്ടത്തിക്കൊരു താങ്ങു ആയിരിക്കും എന്ന് ജൂലിയും കരുതി.ബംഗ്ലാവിൽ നിന്നും മാറിനിൽക്കാൻ ജൂലി ആവശ്യപ്പെട്ടപ്പോൾ ആദ്യം ജോർജ് ഒന്നും മടിച്ചെങ്കിലും ബംഗ്ലാവിൽ നിന്ന് കുറച്ചു കാലം മാറി നിൽക്കുന്നത് നന്നായിരിക്കും എന്ന് ജോർജിനും തോന്നി. കുറച്ച് നാളായി എന്തൊക്കെയോ കാരണങ്ങളാൽ അവന്റെ മനസ്സും അസ്വസ്ഥമായിരുന്നു. ഒടുവിൽ മുംബൈയിലേക്ക് പോകാനായി ജോർജ് സമ്മതിച്ചു.