Posted by കൊല്ലുമെന്നു കേട്ടതും ഭയം നൽകിയ ധൈര്യത്തിൽ സോഫയിൽ നിന്നും ചാടി എഴുന്നേറ്റ അയാളെ മാഹീന്ദറിന്റെ ആളുകൾ സോഫയിലേക്ക് പിടിച്ചിരുത്തി കണ്ണിൽ നിറഞ്ഞു നിൽക്കുന്ന മരണ ഭയത്തെ മുഖത്ത് കാണിക്കാതെ
ഡാ… എന്നെ കൊന്നാൽ ഒരുത്തനും രക്ഷപ്പെടുമെന്ന് കരുതണ്ട…
നിന്നെ കൊല്ലുകയല്ലല്ലോ കാലിയാൻ നീ മരിക്കുകയല്ലേ… അഫീ… ആസ് എ ഡോക്ടർ കാലിയാനെ പോസ്റ്റ്‌ മോർട്ടം ചെയ്താൽ എന്താവും പോസ്റ്റ്‌ മോർട്ടം റിപ്പോർട്ട്…
അഫി : ഹൃദയാഘാതം മൂലം മരണപെട്ടു…
അതാണ്… ചിലപ്പോ അതിന് കാരണം ഞാൻ ആയേക്കാം…
അഫി : (കൈയിലെ സിറിഞ്ചുയർത്തി കാണിച്ചു സിറിഞ്ചിൽ കാറ്റ് നിറച്ചുകൊണ്ടായാളെ നോക്കി) കാലി സിറിഞ്ചിലെ കാറ്റ് ഞരമ്പിലൂടെ കയറിച്ചെന്ന് രക്തത്തെ കട്ടപിടിപ്പിച്ചതാവാം… പക്ഷേ അത് പുറത്ത് പറയാൻ കാലിയാൻ സിംഗ് ജീവനോടെ ഉണ്ടാവില്ലല്ലോ…
അയാളുടെ കണ്ണിൽ മരണ ഭയം ഉച്ചസ്ഥായിയിൽ നിന്നു
നിന്നോട് സംസാരിക്കാൻ നിൽക്കാതെ നിന്നെ കൊല്ലാമായിരുന്നു അത് പോര കാലിയാൻ… എന്റെ പെണിനെ കണ്ട് മോഹിച്ച നിന്റെ ഈ കണ്ണിൽ എനിക്ക് മരണഭയം കാണണമായിരുന്നു…
ചിരിയോടെ അഫിയുടെ കൈയിലെ സിറിഞ്ചു കൈയിൽ വാങ്ങി എഴുന്നേറ്റതും മാഹീന്ദറിന്റെ ആളുകൾ അനങ്ങാൻ കഴിയാതെ പിടിച്ചുവെച്ച അയാൾക്കഅരികിലേക്ക് നടന്നു
വേണ്ട വിട്ടേക്ക് ഞാനിനി ഒന്നിനും വരില്ല…
ചിരിയോടെ നോക്കികൊണ്ട്
നീ ഇനി ഞങ്ങളുടെയെന്നല്ല ആരുടെ നേരെയും ഒന്നിനും പോവില്ല… നീ അവസാനമായി കാണുന്ന മുഖങ്ങളാണിത്…
അതേ ചിരിയോടെ അഫി വിരലിനാൽ ചൊട്ടി ചൊട്ടി തെളിയിച്ചെടുത്ത ഞരമ്പിലേക്ക് സൂചി പതിയെ കയറ്റി കാറ്റിനെ ഇഞ്ചെക്റ്റ് ചെയ്തു സൂചി പിൻവലിച്ച് അയാളെ നോക്കി സോഫയിലേക്കിരുന്നു മരണ വേദനയാൽ മാഹീൻ‌ദറിന്റെ ആളുടെ കൈ കരുത്തിൽ പിടയാൻ പോലും കഴിയാതെ വിയർത്തൊഴുകുന്ന കാലിയാനെ നോക്കി ഇരുന്നു