🏘️ബോസ്റ്റൻ ബംഗ്ലാവ് 16 [Gladiator]

ബോസ്റ്റൻ ബംഗ്ലാവിന് അടുത്തുള്ള വന്നതിനു അകത്തേക്ക് ഒരു കാർ വന്ന് നിന്നു. ആരും കാണാത്ത രീതിയിൽ ആ കാർ മരങ്ങൾക്ക് ഇടയിൽ പാർക്ക്‌ ചെയ്ത ശേഷം ആന്റണി കാറിൽ നിന്നും ഇറങ്ങി. പുറത്ത് കനത്ത മഴ പെയ്യുകയാണ്. അവൻ കയ്യിലൊരു ടോർച്ച് എടുത്തു വെട്ടം അടിച്ചു, ശേഷം കാർ ഡിക്കിയിൽ സൂക്ഷിച്ചിരുന്ന കന്നാസും കയ്യിലെടുത്ത് ബോസ്റ്റൻ ബംഗ്ലാവ് ലക്ഷ്യമാക്കി നടന്നു.

Antony

വെളുപ്പിന് രണ്ട് മണിയോടെ എന്നത്തേയും പോലെ തന്റെ ഭാര്യയുമായി ബോസ്റ്റൻ ബംഗ്ലാവിലെ പിശാച്ചുകൾ രതിയിൽ ഏർപ്പെടുന്നത് സ്വപ്നം കണ്ട് ആന്റണി ഞെട്ടിയുണർന്നിരുന്നു.മനസ്സിൽ ഉറച്ച തീരുമാനം എടുത്തുകൊണ്ടാണ് അവൻ ഈ അസമയത് ഇങ്ങോട്ടേക്ക് തന്റെ ഭാര്യ പോലും അറിയാതെ വന്നത്.താൻ എന്താണു ചെയ്യേണ്ടത് എന്ന് വ്യക്തമായി അവന് ബോധ്യം ഉണ്ടായിരുന്നു.

5 മിനുട്ട് നടത്തതിന് ഒടുവിൽ അവൻ ബംഗ്ലാവിനു മുന്നിലെത്തി.കൊടും മഴയത്ത് ബംഗ്ലാവിലേക്ക് നോക്കിയ അവന് താനേതോ രാക്ഷസക്കോട്ടയിൽ എത്തിയ ഫീൽ ആയിരുന്നു.

“നിനക്കൊക്കെ എന്റെ പെണ്ണിനെ വേണമല്ലേട…..!”അവൻ മെല്ലെ പറഞ്ഞു. അന്ന് ഡാനിയുടെ മേൽ exorcism നടത്താൻ ശ്രമിച്ച ശേഷം അവന്റെ തലച്ചോർ കുഴഞ്ഞു മറിഞ്ഞു കിടക്കുകയാണ്.

ആന്റണി നടന്നു ബംഗ്ലാവിന്റെ വാതിൽക്കൽ എത്തിയതും, അവനുള്ള സ്വീകരണം എന്നോണം വീടിന്റെ മുൻ വാതിൽ തുറന്ന് കിടന്നു.

“ഈ വീട്ടിലാരും ഉറങ്ങും മുൻപ് കതകടക്കത്തില്ലേ…?”ചാരിയ വാതിൽ തള്ളിത്തുറക്കുമ്പോൾ ആന്റണി മനസ്സിൽ ഓർത്തു.

ഇരുട്ട് വീണ ഹാളിലേക്ക് കേറിയ അവൻ ടോർച് ലൈറ്റ് മുന്നിലേക്ക് അടിച്ചു.