🏘️ബോസ്റ്റൻ ബംഗ്ലാവ് 13 [Gladiator]

“നമ്മൾ കണ്ടിട്ട് 2 മിനുട്ട് പോലും ആയില്ല. അപ്പോഴേക്കും നീ എന്നെ നിയമം പഠിപ്പിക്കുകയാണോ…?” Day star ചോദിച്ചു.ഡേ സ്റ്റാറിൻ്റെ പുഞ്ചിരി മാഞ്ഞു. “അഹ്.. നീ പറയുന്നതിലും കാര്യമുണ്ട്” day star പറഞ്ഞു.കയ്യിലിരുന്ന റൊട്ടി ബെഞ്ചിൽ വെച്ചിട്ട് അവൻ എഴുനേറ്റു.

“വരൂ, എന്നോടൊപ്പം നടക്കൂ.” Day star ഡാനിയോടൊപ്പം കടൽ തീരത്ത്കൂടെ നടന്നു.

“നിങ്ങൾ എന്തിനാ എന്നെ ആ രഹസ്യ വാതിലിലൂടെ ഇങ്ങോട്ട് കൊണ്ട് വന്നത്…?” ഡാനിയേൽ ചോദിച്ചു. “അല്ല.. ഏതാ ഈ സ്ഥലം.. വീടിനുള്ളിൽ നിന്ന് എങ്ങനെയാ ഈ ബീച്ചിൽ വരുന്നത്..?

“ഞാൻ ആരെയും ഇങ്ങോട്ട് കൊണ്ട് വന്നിട്ടില്ല.. നീയല്ലേ ഇങ്ങോട്ടേക്ക് വന്നത്.

“ഓക്കേ ഓക്കേ. ഞാൻ കുറച്ച് ചോദ്യം ചോദിച്ചാൽ സത്യസന്ധമായി മറുപടി പറയുമോ..?”ഡാനിയേൽ ചോദിച്ചു.

“എനിക്ക് ചോദ്യങ്ങൾ ഇഷ്ടമാണ്, ഡാനിയേൽ.ചോദ്യം ചോദിക്കാൻ ധൈര്യമുള്ളവരെ ഞാൻ ബഹുമാനിക്കുന്നു.”Daystar ഡാനിയുടെ കണ്ണുകളിലേക്ക് നോക്കി “ഒരുപാട് ചോദ്യങ്ങൾ ചോദിച്ചതിനാണ് എന്നെ വീട്ടിൽ നിന്ന് പുറത്താക്കിയത്” Daystar കൂട്ടിച്ചേർത്തു.

അയാൾ എന്താണു പറഞ്ഞതെന്ന് ഡാനിക്ക് വ്യക്തമായില്ല.. പക്ഷെ അവനത് ഗവനിച്ചില്ല

“ഞാൻ ബംഗ്ലാവിൽ വന്നതിനു ശേഷം കത്രീന പറഞ്ഞത് പോലെ ഒരു കരാറിൽ ഏർപ്പട്ടു…അതിന് ശേഷമാണു എന്റെ ജീവിതം തന്നെ മാറി മറിഞ്ഞത്. സത്യം പറ.. ഞാൻ കരാറിൽ ഏർപ്പെട്ടത് നിങ്ങളോടൊപ്പം അല്ലേ…?” ഡാനിയേൽ മനസ്സിൽ തോന്നിയത് വെട്ടിത്തുറന്ന് ചോദിച്ചു.

Day star പൊട്ടിച്ചിരിച്ചു “അതെ, തീർച്ചയായും. കത്രീന എൻ്റെ സുഹൃത്തും പങ്കാളിയുമാണ്.”