Posted by അർജുൻ കയ്യിൽ പിടിച്ചിരുന്ന കവറിനെ ചൂണ്ടി സാന്ദ്ര ചോദിച്ചു
അർജുൻ : ഓഹ് നാളെ പോകുവല്ലേ ഇത് കുറച്ച് അതാവശ്യ സാധനങ്ങളാ
ഇത്രയും പറഞ്ഞു അർജുൻ തന്റെ റൂമിലേക്ക് പോയി ശേഷം പതിയെ വാതിൽ തുറന്നു അമ്മു അപ്പോഴും ബെഡിൽ തന്നെ ഉണർന്നിരുപ്പുണ്ടായിരുന്നു
അർജുൻ : താൻ ഉറങ്ങിയില്ല അല്ലേ
വാതിൽ അടച്ച ശേഷം അർജുൻ അമ്മുവിനോടായി ചോദിച്ചു എന്നാൽ അമ്മു ഒന്നും മിണ്ടാതെ തിരിഞ്ഞിരുന്നു
അർജുൻ : ഹലോ ഞാൻ ചോദിച്ചത് കേട്ടില്ലേ
എന്നാൽ അമ്മു അപ്പോഴും ഒന്നും മിണ്ടിയില്ല
അർജുൻ : എന്താടോ പിണങ്ങിയോ
അർജുൻ പതിയെ അമ്മുവിന്റെ അടുത്തേക്കിരുന്നു
അർജുൻ : ഞാൻ നേരത്തേ ഇറങ്ങിയതാ പക്ഷെ…
അമ്മു : ഒന്നും പറയണ്ട ഞാൻ എത്ര നേരമായി കാത്തിരിക്കുന്നെന്ന് അറിയാമോ പെട്ടെന്ന് വരാമെന്ന് പറഞ്ഞിട്ട് ഇതിപ്പോൾ 6, 7 മണിക്കൂർ ആയില്ലേ
അർജുൻ : മനഃപൂർവം അല്ല അമ്മു കുറച്ച് ഫ്രണ്ട്സിനെ കണ്ടു അവർക്കൊക്കെ ഒരു പാർട്ടികൊടുത്തു പിന്നെ നമ്മുടെ ട്രിപ്പിന്റെ കാര്യമൊക്കെ ശെരിയാക്കിവന്നപ്പോൾ വൈകി
അമ്മു : വെറുതെ ഓരോ കള്ളങ്ങൾ പറയണ്ട ഞാൻ വിളിക്കാതിരിക്കാൻ അല്ലേ ഫോൺ ഓഫ് ആക്കി വച്ചത്
അർജുൻ : സത്യമായും ഫോണിന്റെ ചാർജ് തീർന്നു പോയതാ അമ്മു, ശെരി ഇനി നിനക്ക് സന്തോഷമുള്ള ഒരു കാര്യം പറയാം നാളെ നമ്മൾ നിന്റെ വീട്ടിൽ പോകുന്നു
അമ്മു : എന്റെ വീട്ടിലോ
അർജുൻ : അതെ അങ്കിള് അങ്ങോട്ടേക്ക് വിളിച്ചിരുന്നു നാളെ ഒരു ദിവസം നമുക്ക് അവിടെ സ്റ്റേ ചെയ്യാം ശേഷം മറ്റന്നാൾ കാലത്ത് തന്നെ നമ്മൾ നമ്മുടെ ട്രിപ്പ് തുടങ്ങുന്നു ടു മൂന്നാർ