Posted by അതിന്,
“”…നീയൊന്നു മിണ്ടാണ്ടിരീടാ… ഞാനൊന്നു ചോദിച്ചോട്ടേ..!!”””_ ന്നുള്ള ചേച്ചിയുടെ മറുപടികേട്ടതും ഞാനൊന്നു ഞെട്ടി…
ആകെയരമുക്കാൽ മണിയ്ക്കൂറത്തെ പരിചയംമാത്രമുള്ളയെന്നോട് അങ്ങനെപറയണമെങ്കിൽ..?? ഞാനതോടൊന്നടങ്ങി…
പക്ഷേ, സാധാരണയങ്ങനൊരു സാഹചര്യത്തിലവൾടെ മൂക്കാമ്മണ്ടയിടിച്ചു പൊട്ടിയ്ക്കാമെന്നു ചിന്തിയ്ക്കുന്നയെനിയ്ക്ക് ഇതെന്താപറ്റിയേന്നുമാത്രം മനസ്സിലായില്ല…
ഒന്നുംമിണ്ടാതെനിന്ന എന്നെ തുറിച്ചുനോക്കിയശേഷം പുള്ളിക്കാരി മീനാക്ഷിയോടായി നേരത്തേചോദിച്ച ചോദ്യമാവർത്തിച്ചു…
അതായത്, ചക്കപ്പഴം കഴിച്ചിട്ടാണോ വയറുവേദനവന്നതെന്നുള്ള സാനം…
അതിനവളെന്നെയൊന്നു പാളിനോക്കിക്കൊണ്ടതേന്ന മട്ടിൽ തലകുലുക്കി…
കണ്ടതും,
“”…അയ്യോ.! അതുചിലപ്പോൾ കഴിച്ചുശീലല്ലാത്തോണ്ടു വന്നതാകും… ഞാനെന്തേലും മരുന്നുണ്ടോന്നു നോക്കട്ടേട്ടോ… ഇല്ലേ നമുക്കാശൂത്രീപ്പോവാം..!!”””_ അതുംപറഞ്ഞു പുള്ളിക്കാരി പുറത്തേയ്ക്കിറങ്ങിയോടുവാർന്നു…
“”…ഇനീപ്പോളവര് മരുന്നുങ്കൊണ്ടു വരുവാണേൽ പിന്നെയാശൂത്രീപ്പോണോ..??”””_ ആ പുള്ളിക്കാരി പോയെന്നുറപ്പുവരുത്തിയ ശേഷമായിരുന്നു ചോദ്യം…
അതിന്,
“”…നീയൊരു മനുഷ്യനാണോടാ നാറീ..??”””_ ന്നായിരുന്നു മറുചോദ്യം…
കൂട്ടത്തിൽ ഉണ്ടക്കണ്ണുകളുരുട്ടി എന്നെ ദഹിപ്പിയ്ക്കുന്നുമുണ്ടായിരുന്നു…
“”…അല്ല… മനുഷ്യനല്ല… മനുഷ്യനാരുന്നേൽ നിന്നെയൊക്കെ സയ്ക്കാമ്പറ്റുവാർന്നോ..??”””_ ഉടനെ മറുത്തെന്തോ പറയാൻതുടങ്ങി മീനാക്ഷിയെ തടഞ്ഞുകൊണ്ടാ ചേച്ചി തിരികെക്കേറിവന്നു…