🏘️ബോസ്റ്റൻ ബംഗ്ലാവ് 7 [Gladiator]

അവളുടെ കൈകൾ അവളുടെ നെഞ്ചിൽ അമർത്തിപ്പിടിച്ചുകൊണ്ട് ഭയന്ന് ഓടാൻ അവൾ ശ്രമിച്ചു . അവളുടെ കഴുത്തിലും നട്ടെല്ലിലും തണുത്ത വിയർപ്പ്ത്തുള്ളികൾ ഒലിച്ചിറങ്ങി.

ആരോ തന്നെ പിന്തുടരുന്നത് പോലെ അവൾക് തോന്നി.അവൾ നന്നേ ഭയന്നിരുന്നു.

പെട്ടെന്ന് ഒരു കൈ അവളുടെ തോളിൽ തട്ടി. “ജൂലി. എഴുന്നേൽക്ക്….ജൂലി” അവളുടെ ചെവിയിൽ ഒരു ശബ്ദം മന്ത്രിച്ചു

“ഡാനി?” ജൂലിയുടെ കണ്ണുകൾ തുറന്നു.

കണ്ണ് തുറന്ന ജൂലി, താൻ ഭർത്താവിന് ഒപ്പം കിടക്കയിൽ കിടക്കുകയാണ് എന്ന് മനസിലാക്കി.അപ്പോഴത് സ്വപ്നം ആയിരുന്നൊ..?.റൂമിലെ തുറന്നിട്ട ജനാലയിലിലൂടെ നിലാവെളിച്ചം ആ മുറിയാകെ നിറഞ്ഞു.

ഒരു സ്ത്രീ തന്റെ മുന്നിൽ നിൽക്കുന്നത് ജൂലി കണ്ടു.കത്രീന ആയിരുന്നു അത്.

അവളുടെ തണുത്ത കൈ ജൂലിയുടെ നഗ്നമായ തോളിൽ അമർന്നു.

“അല്ല… ഡാനിയല്ല. ഞാനാണ്.” കത്രീന ജൂലിക്ക് ഒരു പുഞ്ചിരി സമ്മാനിച്ചു.“പേടിക്കണ്ട.. സ്വപ്നം കണ്ടു പേടിച്ചതാ നീ…നീ പേടിക്കുന്നത് കണ്ടു വന്നതാ ഞാൻ”കത്രീന പറഞ്ഞു.

“നി.. നീ…. നീ എന്താ ഈ ബംഗ്ലാവിൽ നിന്ന് പോകാത്തത്.. ലൈലയും ആന്റണിയും നിന്നെ ഇവിടുന്ന് ഓടിച്ചെന്നാ ഞാൻ കരുതിയിരുന്നത്”. ജൂലി പറഞ്ഞു. കട്ടിലിൽ കിടന്ന ജൂലി പുതപ്പ് കൊണ്ട് കഴുത്തു വരെ മൂടി.

“അവരെ കുറ്റം പറയണ്ട.. അവർ നന്നേ ശ്രമിച്ചു”ജൂലിയുടെ തോളിൽ നിന്ന് കൈ മാറ്റികൊണ്ട് അവൾ നിവർന്നു നിന്നു.

“ജൂലി.. നീ വേഗം വാ.. ഒരു അത്യാവശ്യം ഉണ്ട്…”പറഞ്ഞുകൊണ്ട് മുറിയുടെ പുറത്തേക്ക് ഇറങ്ങാൻ കത്രീന തിരിഞ്ഞു.

“വെയിറ്റ്.. വെയിറ്റ്…എങ്ങോട്ടാ…”ജൂലി ചോദിച്ചു . പക്ഷെ അപ്പോഴേക്കും കത്രീന അവിടെ നിന്നും മാഞ്ഞു പോയി.