💋റിമിമഴയിൽ തുടക്കം [സണ്ണി]

“നമ്മുടെ ഒറ്റപ്ലാവിലെ സണ്ണി ഗൾഫിന്ന് കൊണ്ടത്തന്നതാടാ. കഴിഞ്ഞ ഓണത്തിന്. ” കൊച്ചപ്പൻ ഓരോ സ്മാളൊഴിച്ചു ജഗ്ഗിലെ വെള്ളവും ചേർത്ത് ഗ്ളാസ് നിറച്ചു.

” കൊച്ചപ്പാ ഞാന്…” ഞാൻ ചമ്മലോടെ ബഹുമാനിച്ച് നിന്നു.

“ഹാ..ഇങ്ങനൊക്കെയാടാ തൊടക്കം.. എടുത്തടിച്ചോ..” ഗ്ളാസെടുത്ത് കയ്യിൽ പിടിപ്പിച്ചു.

ക്ടിംഗ് …… വിറച്ച് കൊണ്ട് ഗ്ളാസ് മുട്ടിച്ച് ചിയേർസ് പറഞ്ഞു.

“ഹാ… ഒറപ്പിച്ച് പിടിയട. നീയെന്തായാലും അവടെ കമ്പനിയൊക്കെ കൂടാറില്ലെ” കൊച്ചപ്പൻ കണ്ണിറുക്കിയിട്ട് വലിച്ചടിക്കാൻ ആംഗ്യം കാണിച്ചു.

“ഏയ്…ഞാനങ്ങനെ ..” ഞാൻ പുരികമുയർത്തി നല്ല പിള്ള ചമഞ്ഞു.

“ങ്ങാ … വല്ലപ്പോഴും ഇങ്ങനെയോരോന്നൊക്കെ ഓരോന്നാവാം. ശീലമാക്കല്ല്” കൊച്ചപ്പൻ എല്ലാം അറിയുന്നവനെപ്പോലെ പറഞ്ഞു കൊണ്ട് ഇറച്ചി എടുത്തു കടിച്ചു.

“ങ്ങും…” ഞാൻ മര്യാദരാമനായി ഭവ്യതയോടെ കുടിച്ച ഗ്ളാസ് തിരിച്ച് വെച്ചു.

“ഒന്ന് മതി അവളറിയണ്ട.. “കൊച്ചപ്പൻ എൻ്റെ ഗ്ളാസ് മാത്രം എടുത്ത് മൂളിപ്പാപ്പാട്ട് പാടി അടുക്കളയിൽ കഴുകി വെച്ചിട്ട് .ബാക്കി അടി തുടർന്നു…

“എന്നാ കഴിയ്ക്കാം ബാ.. മതി കുടിച്ചത് ച്ചായാ. ജിസിന് വെശക്കുന്നുണ്ടാവും” ആൻ്റി ചോറും കറികളുമായി വന്നു.

“പിന്നെ എത്ര സെമസ്റ്ററായടാ ജീസേ…..”കാട്ടിറച്ചി കറുമുറെ തിന്നുമ്പോൾ കൊച്ചപ്പൻ്റെ ചോദ്യങ്ങളും തുടങ്ങി. ഇതിന് പക്ഷെ അപ്പൻ്റെ ആധികാരികത ഇല്ല. നല്ല ഫ്രണ്ട്ലിയാണ്. അതുകൊണ്ട് കഴിച്ചെഴുന്നേറ്റ് ഒരു പാട് സംസാരിച്ച് തുടങ്ങി സമയം പോയതറിഞ്ഞില്ല….