Posted by “”…ഇവളൊരുതുള്ളി വെള്ളങ്കുടിച്ചില്ലെന്നു പറയാനെന്താ കയ്യിലിരിയ്ക്കുന്നേക്കെ
ചവച്ചേച്ചതിന്റെ ചാറെവളങ്ങു തുപ്പിക്കളയോ..??”””_ അവൾടെ കയ്യിലിരുന്ന ബൌളിലേയ്ക്കു
ചൂണ്ടിക്കൊണ്ടു ഞാൻ കലിപ്പോടെ ചോദിച്ചതുകേട്ടപ്പോളാണ് അവൾടെ കയ്യിലങ്ങനൊരു സാധനമുണ്ടെന്നുതന്നെ മാതാശ്രീ അറിയുന്നത്…
“”…അത്… അതമ്മേ ഞാൻ വെശന്നപ്പോ…”””_ ഭക്ഷണവുംവെള്ളവും ത്യജിച്ചു ഭർത്താവിനെകാത്തിരുന്ന ഉത്തമയായഭാര്യയുടെ പുറംതൊലിപൊളിഞ്ഞതും കയ്യിലിരുന്നബൌൾ
പിന്നിലേയ്ക്കു മറച്ചുകൊണ്ടവൾ വിക്കിപ്പറഞ്ഞു…
“”…അതൊന്നും സാരല്ല മോളേ… വെശന്നാലാഹാരം കഴിയ്ക്കണം… അതിലു നാണിയ്ക്കേണ്ട കാര്യോന്നുമില്ല..!!”””_ യാതൊരു നാണോമില്ലാതെ കളംമാറിചവിട്ടിക്കൊണ്ട് ചമ്മിനാറിനാശമായി മുഖംകുനിച്ചുനിന്നയവളെ സമാധാനിപ്പിയ്ക്കാനെന്നോണം പറഞ്ഞശേഷം അമ്മയെന്റെനേരേ തിരിഞ്ഞു:
“”…ഇപ്പവളു കഴിച്ചതായല്ലേ നെനക്കുകുറ്റം..?? ഇത്രേക്കെ നീയിട്ടുപദ്രവിച്ചിട്ടും
നിന്നെക്കാണാണ്ടുവന്നപ്പോൾ ഇവളെന്തൊക്കെയാ കാട്ടിക്കൂട്ടിയേന്നറിയോ..?? അതാടാ സ്നേഹം..!!”””_ കണ്ണിനുമുന്നിൽ കാണുന്നതെല്ലാം സത്യമെന്നു കരുതുന്നയെന്റെ പാവമമ്മയ്ക്ക് ഇതൊക്കെ പറയുമ്പോഴുള്ള മീനാക്ഷീടെ ചുണ്ടുകോട്ടിയുള്ള ചിരികാണാൻ കഴിയാതെപോയി…
“”…അതേമ്മേ… ഇപ്പത്തന്നെ ഞാങ്കാരണാ അച്ഛങ്കോളേജിന്നു വിളിച്ചേന്നുമ്പറഞ്ഞാ എന്നെ ചവിട്ടിയെ… ഇതിപ്പ മാത്രവല്ല… എപ്പഴുവങ്ങനാ… ഞാനെന്തേലുമ്പറഞ്ഞാ അതിനുസമയമില്ല… എന്നാ ഫ്രണ്ട്സിനൊപ്പങ്കറങ്ങാൻ ഒരു സമയക്കുറവുമില്ല താനും..!!”””_
ഒന്നേങ്ങിക്കൊണ്ടു മീനാക്ഷി പറഞ്ഞുനിർത്തി…