Posted by നീ ഇന്ന് പോവുന്നില്ലേ?
ഇന്ന് ലീവാ അമ്മേ.
നീ ഇന്നലെ രാത്രി കിടക്കുമ്പോൾ ഇന്ന് രാവിലെ പോണം എന്നല്ലേ പറഞ്ഞിരുന്നത്. പിന്നെ ഇത്ര പുലർച്ചെ നീ എങ്ങനെ അറിഞ്ഞു ലീവ് ആണെന്ന്.
അത് എനിക്കിന്ന് വയ്യ അമ്മ നാളെ പോവാം.
മോനെ നീ ഇതിപ്പോ 2 ആഴ്ചയായി ഇങ്ങനെ പറയുന്നു അവിടെ പണി ഇല്ല ലീവാ എന്നൊക്കെ. മോൻ ശെരിക്കും പറ എന്താ പറ്റിയെ ന്റെ കുട്ടിക്ക്. ഞാൻ ശ്രദ്ധിക്കുന്നില്ല എന്നൊന്നും കരുതണ്ട. എന്നോട് പറ എന്തെങ്കിലും പ്രശ്നം ഉണ്ടോ നിനക്ക്.
അമ്മയുടെ ആ ചോദ്യം എന്നെ ഒന്ന് പതറിച്ചെങ്കിലും ഞാൻ പെട്ടന്ന് തന്നെ നോർമൽ ആയി.
ഇല്ലമ്മ ഒന്നുമില്ല എനിക്കെന്തോ ഒരു ഗ്യാപ് എടുക്കണം എന്ന് തോന്നി ഇപ്പൊ ലോൺ എല്ലാം ഒന്ന് ഒതുങ്ങിയില്ലേ അതാ..
ഇത് കേട്ടപ്പോൾ അമ്മയുടെ കണ്ണ് ഒന്ന് കലങ്ങി. അമ്മക്ക് എന്നെ പഠിപ്പിച്ചു ഒരു നല്ല നിലയിൽ ആക്കണം എന്നായിരുന്നു ആഗ്രഹം. അമ്മക്ക് മാത്രമല്ല അച്ഛനും എന്തോ അതൊന്നും നടന്നില്ല.
അമ്മയുടെ ആ മൂഡ് മാറ്റാൻ വേണ്ടി ഞാൻ തന്നെ സന്ദർഭം മാറ്റാൻ തീരുമാനിച്ചു.
അമ്മ അവളുടെ അടുത്തൊന്നു പോണം കുറെ ആയി പോയിട്ട്. കുഞ്ഞുങ്ങളെ ഒക്കെ ഒന്ന് കാണാൻ കൊതിയായി.
ഞാൻ ഇത് നിന്നോട് അങ്ങോട്ട്‌ പറയാൻ കുറെ ദിവസം ആയി വിചാരിക്കുന്നു. നീ പോയിട്ട് വാ ഇന്നലെ അവൾ വിളിച്ചപ്പോ ചോദിച്ചിരുന്നു. നിന്നോട് ഒന്ന് അവിടെ വരെ വരാൻ.
അമ്മയും കൂടെ വാ നമുക്ക് ഒരുമിച്ച് പോകാം അച്ഛനേം കൂട്ടാം.
ഇല്ലടാ ഇന്ന് ശെരി ആവില്ല എനിക്കും വരണം എന്നുണ്ട്. അനിലേടെ മോൾടെ ചെറിയ കല്യാണമാ ഇന്ന് അപ്പൊ അവിടെ വരെ ഒന്ന് പോണം…