Posted by ചേച്ചിക്ക് എന്താ പറയാനുള്ളെ…
അത്… മോനേ…
എന്തായാലും പറഞ്ഞോ… എന്തായാലും പരിഹരിക്കാം…
അവന്റെ അച്ഛൻ അവൻ ചെറുപ്പത്തിൽ തന്നെ മരിച്ചതാ… ഞാൻ ഓരോ വീട്ടിലൊക്കെ ജോലിക്ക് പോയാ അവന്റെ ഫീസ് തന്നെ അടക്കുന്നത്… ഇതിപ്പോ ഡോക്ടറെ ഫീസും ഹോസ്റ്റൽ ഫീസും കൂടെ…
നിങ്ങളെ എല്ലാരുടെയും ഫാമിലിയെപ്പറ്റി എനിക്കറിയാം… ചേച്ചീ അതോർത്ത് ചേച്ചി വിഷമിക്കണ്ട അവന്റെ പഠിപ്പിന്റെ കാര്യത്തിന് വരുന്ന ചിലവ് ഞാൻ നോക്കിക്കൊള്ളാം… നിങ്ങളിനി ഒരു ഫീസും അടക്കേണ്ടിവരില്ല ആ കാര്യം ഞാൻ നോക്കിക്കൊള്ളാം…
അനു പറഞ്ഞ പെണ്ണിന്റെ വീട്ടിലേക്ക് പോവാൻ കരുതി പോവും വഴിയിൽ ബിച്ചുവിനെ വിളിച്ചു
നീ എവിടെയാ…
ഹലോ ആരാ…
ഇതാരാണ്…
ഇത് കോഴിക്കോട് കമ്മീഷണർ ഓഫീസ് ആണ്…
ഈ ഫോണെങ്ങനെ നിങ്ങളെ കൈയിൽ…
രാത്രി തല്ല് കേസിൽ പിടിച്ചതാ ആളെ… വേറെന്തെങ്കിലും അറിയാനുണ്ടെങ്കിൽ കമ്മീഷണർ ഓഫീസിലേക്ക് പോരെ…
അയാൾ ഫോൺ കട്ട് ചെയ്തതും റാഷിയെ വിളിച്ചു
എവിടെയാ…
ബാങ്കിലാ…
പെട്ടന്ന് പുറത്തേക്കിറങ്ങ്…
വണ്ടി ചീറി പാഞ്ഞു മുന്നോട്ട് കുതിച്ചു ബാങ്കിന് മുന്നിലെത്തുമ്പോ റാഷിയെ കണ്ടു വണ്ടിയിൽ കയറാൻ പറഞ്ഞു വണ്ടി എടുത്തു
വണ്ടി അതിവേകം മുന്നോട്ട് കുതിക്കെ ഫോൺ എടുത്ത് സൈഡിൽ വെച്ചു സിറി കാൾ ആദി…
ആദീ… എവിടെയാ…
ഹോസ്പിറ്റലിൽ ഉണ്ട്…
ബിച്ചു കമ്മീഷണർ ഓഫീസിലാണ് അടിപിടി കേസ് ആണെന്നാ പറഞ്ഞേ ഞാനങ്ങോട്ട് പോകുവാ ആരെയാന്നു വെച്ചാ വിളിക്ക്…
കാൾ കട്ട് ചെയ്തു സത്യപെരുമാളിനെ വിളിച്ചു
വണ്ടി കമ്മീഷണർ ഓഫീസിലേക്ക് കയറേ ബിച്ചുവിന്റെ വണ്ടിയുടെ ഫ്രണ്ട് ഗ്ലാസ് അടിച്ചു പൊളിച്ചിട്ടുണ്ട് ഫോണുമെടുത്ത് വണ്ടിയിൽ നിന്നിറങ്ങി അകത്തേക്ക് കയറി
വിഷ്ണുദത്തിനെ കാണണം…
ചോദ്യം ചെയ്യൽ നടന്നോണ്ടിരിക്കുകയാണ്…
ആരാ അറസ്റ്റ് ചെയ്ത ഓഫീസർ…
സി ഐ ആണ്…
അളെവിടെ….
അകത്തുണ്ട്…
അകത്തേക്ക് ചെന്നു
എന്താടോ അകത്തേക്ക് വരുമ്പോ മുട്ടണമെന്നറിയില്ലേ…
മുട്ടീട്ട് വരാൻ നിന്റെ ബെഡ്റൂമിലേക്കല്ലലോ വന്നേ… ഒരാളെ കസ്റ്റഡിയിലെടുക്കുമ്പോ അയാളുമായി ബന്ധപ്പെട്ട ആളുകളെ അറിയിക്കണമെന്നറിയില്ലെടോ… എവിടെടോ വിഷ്ണുദത്…
എന്താ സ്റ്റേഷനിൽ കയറിവന്നു ഗുണ്ടായിസമാണോ…
ഗുണ്ടായിസം താൻ കണ്ടിട്ടില്ല എന്റെ ചെക്കനെന്തേലും പറ്റിയാൽ നീ അത് കാണും…
ഡ്യൂട്ടിയിൽ ഉള്ള ഓഫീസറെ ഭീഷണിപ്പെടുത്തി എന്ന ഒറ്റ കാരണം മതി നിന്നെ എടുത്തകത്തിടാൻ…
സ്റ്റേറ്റിനിലെ ഫോണുകൾ നിർത്താതെ ശബ്ധിക്കുന്നതിനൊപ്പം കദറിട്ട ഒരാൾ ഡോർ തുറന്ന് അകത്തേക്ക് വന്നു
അയാൾ : എന്താടോ ഇവിടെ നടക്കുന്നെ…