Posted by സിസ്റ്റർ : എന്താ ഇത്… പുറത്ത് പോയേ…
തറപ്പിച്ചു നോക്കിയതും ഭയത്തോടെ അവരെന്നെ നോക്കി
ഡോക്ടർ : പുറത്ത് പോയേ… അല്ലെങ്കിൽ സെക്യൂരിറ്റിയെ വിളിക്കേണ്ടിവരും…
(അതിന് ചെവികൊടുക്കാതെ)എന്താ പറ്റിയെ…
ഗോപാലേട്ടൻ : ഒന്നൂല്ലടാ… അത് ചെറിയൊരു…
ആരാ…
എടാ… അത്…
നിങ്ങള് പറയുന്നോ അതോ…
നീ കുഴപ്പമുണ്ടാക്കരുത്…
നിങ്ങളാരാന്നു പറയുന്നോ…
ഒന്ന് നമ്മളെ റഹീമിന്റെ മോനാ ശാഹുല്… അതൊരു പാവം ചെക്കനാ… റഹീമിനെ നിനക്കറിയുന്നതല്ലേ…
വേറെ ആര്…
ബാക്കിയുള്ളതുങ്ങളെ എനിക്കറിയില്ല…
ഫോണെടുത്ത് ആദിയെ വിളിച്ചു
ആദീ… മിനിസ്റ്ററെയോ ആരെയാ എന്ന് വെച്ചാൽ വിളിച്ചു എത്രയും പെട്ടന്ന് വന്ന് മൊഴിയെടുക്കാനുള്ള ഏർപ്പാട് ചെയ്യ് നമ്മൾ പറയുന്നപോലെ കേസ് എഴുതണം മാക്സിമം അര മണിക്കൂർ…
ശെരി…
പറമ്പത്തെ റഹീമിന്റെ മോൻ ശാഹുൽ എവിടെയാ ഉള്ളെന്നു നോക്ക്… ഇവിടുന്ന് ഞാനിറങ്ങുമ്പോ ആ ചെക്കനും കൂടെ ഉണ്ടായിരുന്നവന്മാരും എനിക്ക് വേണം…ഒറ്റ കല പറ്റാതെ…
ശെരി…
(ഫോൺ വെച്ച് എന്നെ നോക്കുന്ന ഡോക്ടറെ നോക്കി)ഒന്ന് വേഗം നോക്ക് പോയിട്ട് പണിയുണ്ട്…
അഡ്വക്കറ്റ് സത്യ പെരുന്നാളിനെ വിളിച്ചു
വക്കീലേ… ഷെബിയാണ്…
മനസിലായി… എന്താ…
നാട്ടിലുണ്ടോ…
എറണാകുളം ആണ്…
ഞാൻ നമ്മുടെ താലൂക് ഹോസ്പിറ്റലിൽ ഉണ്ട് ഗോപലേട്ടനെ കുറച്ച് ചെക്കന്മാർ അടിച്ചു കേസാക്കണം… പോലീസ് അരമണിക്കൂറിലെത്തും അതിന് മുൻപ് എന്തൊക്കെ വകുപ്പ് ചേർക്കാം എന്നതിന്റെ ഡീറ്റൈൽ വേണം…
എന്റെ ജൂനിയർ ഷാജഹാനെ അയക്കാം… എന്താ വേണ്ടേ എന്ന് അവൻ പറഞ്ഞു തരും…
ശെരി…
പ്ലാസ്റ്റർ ഇട്ടുകഴിഞ്ഞു മുറിവ് ഡ്രസ്സ്‌ ചെയ്തുകൊണ്ടിരിക്കെ ഡോറിൽ മുട്ട് കേട്ടു തുറന്ന് നോക്കുമ്പോ വകീലാണ്
സംസാരിച്ചുകൊണ്ടിരിക്കെ പോലീസ് വന്നു
സങ്കംചേർന്നുള്ള ആയുധമുപയോഗിച്ചുള്ള അക്രമണവും ജാതി അധിക്ഷേപവും വധശ്രമവും ചേർത്ത് എഫ് ഐ ആർ തയ്യാറാക്കി പോവാൻ നിൽക്കെ കേസ് സ്ട്രോങ്ങ്‌ ആയി നിന്നാൽ മതി ഇപ്പൊ ആക്ഷൻ എടുക്കണ്ട എന്ന് പറഞ്ഞു പോലീസുകാരെ പറഞ്ഞു വിട്ടു കഴിയുമ്പോയേക്കും ബിച്ചുവിന്റെ ഫ്രണ്ട് ഷംസി വിളിച്ച് അവരെ പൊക്കിയ കാര്യം പറഞ്ഞു ഡോക്ടർ സർട്ടിഫിക്കറ്റും വാങ്ങി വക്കീലും പോയപിറകെ ഡോക്ടറോട് അഡ്മിറ്റ് എഴുതാൻ ഉള്ളഏർപാട് ചെയ്തു മൂപ്പരെയും കൂട്ടി ഇറങ്ങി വരും വഴി ഒരു കടയിൽ കയറി സൈക്കിൾ ട്യൂബും കയറും വാങ്ങി വണ്ടിയെടുത്തു
എന്തായിരുന്നു പ്രശ്നം…
ഞാൻ കടയുടെ പുറകിൽ മൂത്രമൊഴിക്കാൻ പോയപ്പോ യൂണിഫോം ഇട്ട പിള്ളേരവിടെ സിഗരറ്റ് വലിക്കുന്നതും ഫോണിന്റെ മുകളിൽ എന്തോ പൊടിയിട്ട് മൂക്കിൽ വലിക്കുന്നതും കണ്ടു എനിക്കറിയാത്ത ചെക്കന്മാർ ആയോണ്ട് ഞാനൊന്നും ചോദിക്കാനും പോയില്ല മൂത്രമൊഴിച്ചു ഞാൻ ബസ് സ്റ്റോപ്പിൽ വന്ന് നിൽക്കെ അവരിറങ്ങി വരുമ്പോ കൂട്ടത്തിൽ റഹീമിന്റെ ചെക്കനെ കണ്ട് അവനോട് എന്ത് പണിയാ ചെയ്യുന്നേ ഇനി ഇങ്ങനെ ചെയ്താൽ നിന്റെ വീട്ടിൽ അറിയിക്കും എന്ന് പറഞ്ഞതും കൂടെ ഉള്ള ചെക്കൻ എന്റെ ചെവി അടക്കി ഒറ്റ അടിയായിരുന്നു പിന്നെ അവരെല്ലാം കൂടി അടിച്ചപ്പോ ഞാൻ നിലത്ത് വീണു അവർ ചവിട്ടാൻ തുടങ്ങി അപ്പോയെക്കും ഓട്ടോ സ്റ്റാന്റിൽ ഉള്ളവരും കടക്കാരും വന്നവരെ പിടിച്ചുമാറ്റി