Posted by എന്ത് പറ്റി ചോദിച്ചതിഷ്ടമായില്ലേ…
എന്നോട് മാത്രമെന്താ ചോദിക്കുന്നത് അവരോടൊന്നും ചോദിക്കാറില്ലല്ലോ അപ്പൊ എന്നെ ഇഷ്ടമല്ലേ
ഇതിനാണോ കണ്ണൊക്കെ നിറച്ചേ… അയ്യേ… അവരെന്റെ കൂടെ ഒത്തിരി കാലമായില്ലേ… നീ ഇപ്പൊ വന്നല്ലേ ഉള്ളൂ നീ കംഫേർട്ട് ആണോന്നറിയതോണ്ട് ചോദിച്ചതാ പെണ്ണേ…
സത്യം…
ആടീ…
ലെച്ചു : എന്താ… എന്തിനാ കരഞ്ഞേ…
അതവളോട്
പറഞ്ഞത് പൂർത്തിയാക്കാൻ സമ്മതിക്കാതെ അവളെന്റെ വാ പൊത്തി എന്തെ എന്ന് കണ്ണുകൊണ്ട് ചോദിച്ചതിന് പറയല്ലേ എന്ന് ആക്ഷൻ ഇട്ടു
അതെന്താ…
അവര് കളിയാക്കും… എനിക്ക് മറുപടി പറയാനും വരില്ല…
സങ്കടത്തോടെ ഉള്ള അവളുടെ മുഖം കണ്ട് സങ്കടം തോന്നി അവളെ ചേർത്തുപിടിച്ചു മടിയിലേക്ക് എടുത്തിരുത്തി അവളെ ഇറുക്കെ പിടിച്ചു മുഖം മുഴുവനുമ്മ വെച്ചു
സാരോല്ല… മോളോടുള്ള ഇഷ്ടം കൊണ്ടല്ലേ…
ലെച്ചു അവളുടെ തലയിൽ തലോടി എന്നെ നോക്കി എന്തെ എന്ന് പുരികമുയർത്തി ചോദിച്ചതിന് കണ്ണടച്ചു കാണിച്ചു അവളെ പിടിച്ചു നേരെ ഇരുത്തി എങ്കിലും അവളുടെ തല കുനിഞ്ഞുതന്നെ ഇരുന്നു അവളുടെ താടിയിൽ പിടിച്ചു പൊക്കി കണ്ണിലേക്കു നോക്കി
എന്താ വാവേ ഇത്… എണീറ്റ് മുഖമൊന്നു കഴുകിക്കേ… കരയുമ്പോ എന്റെ പെണുങ്ങൾക്കൊരു ബംഗിയുമില്ല… വന്നേ…
എണീപ്പിച്ചു കൊണ്ടുപോയി മുഖം കഴുകിച്ചു നമുക്ക് ചൂണ്ടയിടാൻ പോവാം വാ ചൂണ്ടയും ഇരയും സെറ്റാക്കി ബക്കറ്റും എടുത്തു അവരെയും കൂട്ടി പുറത്തിറങ്ങി പറമ്പിനെ ചുറ്റി പുഴക്കരയിലേക്ക് നടന്നു
റിയ ചൂണ്ടയിട്ടിരുന്നോ…
ഇല്ല…
ഇവിടെ നല്ലോണം മീൻ കിട്ടും ഞാൻ ചെറുപ്പത്തിൽ ഇവിടുന്ന് മീൻ പിടിച്ച് വിക്കുമായിരുന്നു വലുതായപ്പോ ഞങ്ങൾക്ക് തിന്നാൻ മാത്രമായി മീൻ പിടുത്തം ഇവൾക്ക് പുഴമീൻ ഭയങ്കര ഇഷ്ടമാ…
ലെച്ചു : നീ പുഴമീൻ കൂട്ടിയിട്ടുണ്ടോ ഭയങ്കര രുചിയാ…
അവളില്ലെന്നു തലയാട്ടി
ഇവിടെ അധികവും മാലാനും കരിമീനുമാ കിട്ടുക ഉപ്പാക്ക് മാലാൻ കറി ഭയങ്കര ഇഷ്ടമാ…
ഓരോ ചൂണ്ടയും കൈയിൽ പിടിച്ച് രണ്ടാളെയും അവിടെയുള്ള കല്ലിൽ ഇരുത്തി
സാധാരണ ചൂണ്ടയിട്ടു മീൻ പിടിക്കാൻ നല്ല ക്ഷമ വേണം കുറേ സമയം കത്തിരിക്കേണ്ടിവരും ഇവിടെ പക്ഷെ പെട്ടന്ന് കിട്ടാറുണ്ട്…
ആദ്യമായി ചൂണ്ടയിടാൻ പോവുന്ന സന്തോഷത്തിലിരിക്കുന്ന അവരുടെ ചൂണ്ടകളിൽ ഇര വെച്ചു നീട്ടിയെറിഞ്ഞു വടിനീട്ടിപിടിക്കാൻ കാണിച്ചു കൊടുത്തു റിയയുടെ ചൂണ്ട വലിയുന്നത് കണ്ട് അവളുടെ കൈ ചേർത്തു വടിപിടിച്ചു കരക്കിട്ടു നിലത്ത് പിടയുന്ന വലിയ മാലാനെ പിടിച്ച് ബക്കറ്റിലെ ലേക്കിട്ടതും
ലെച്ചു : ചേട്ടാ… ഇത് പോവുന്നു…
അവളുടെ ചൂണ്ടയിലും മാലാൻ തന്നെ